بۆ دەسەڵاتدارە کەڕ و لاڵەکان

لڤین: شێخ محەمەد سەرگەڵویی

کە ڕێز لە خوێنی ئەو هەموو شەهیدە قارەمانەی ڕوحی خۆیان کردە قوربانی ئازادی ئەو هەموو زیندانیە سیاسیەو تێکۆشەران و دڵسۆزانی ئەم ستمەمدیدەیە کە سەدان ساڵە قوربانی ئەدات و ووڵاتەکەی لە پێناوی ئازادی و خۆشگوزەرانی کاول کراوە کە ئەنجامەکەشی کیمیا باران و ئەنفال و ڕەنج و قوربانیەکی زۆرو کاول کردنی ووڵاتەکەمان بوو

تۆزێ ویژدانتان بجوڵێ و ڕێزی خۆتان و مێژوی خۆتان و ئایندەی مناڵەکانتان لابێ

هەر ئەوەندەی کە داگیرتان کردووەو هاوبەشی کۆمپانیا زەبەلاحەکان دەکەن بە ناوی حزب و بنەماڵەو تاکەوە بیگێڕنەوە بۆ خەڵک تاکی کورد پێویستی بە هەلی کارو چونە دەرەوە نامێنێ

مەیە سەر تیڤی و قسەی بێننەوە خەتای پەکەکەیەو خەتای عێراق و دراوسێکانە

تاوانباری یەکەم و کۆتایی دەسەڵتدارانی ئەم ووڵاتەن

هەموو شتێک بۆ خۆتان حەڵاڵەو بۆ خەڵک حەرامە

دڵنیا بن کە ئەم وەزعە تێکچو پێش خەڵک بەسەر ئێوەدا دەڕوخێ و خۆتان و مناڵ و نەوەکانتان ڕوڕەشی مێژوو دەبن

تا زوو بێنەوە هۆش و واز لە قسەی بێ ناوەڕۆک و پاساوی خەیاڵاوی بێنن باشترە

وەرنەوە ناو واقعی کۆمەڵایەتی خەڵک و لە ئازارەکانیان بگەن

دەنگی ناڕەزایی زۆر لەوە زیاترە کە ئەیزانن

هەر ماوە یەک بگرن و ڕابەرێکیان بۆ پەیدا ببێت دوایی ڕوو ڕەشی مێژوو دەبن و ئاهو نزای نەداران و کۆچبەران وا بە ئاسانی ناچێتە سەر

بۆیە تا زووە ئەم لە خۆبایی بونە و خۆ بەزل زانینە واز بێنن

کەی ووڵات هی ئایندەی گەنجەکانە ووڵات بۆ ئایندەی نەوەکانی خۆتانە دڵنیا بن واز لەو ملهوڕیە نەهێنن و وەک خۆی شتەکان نەبینن ئایندەی ڕوخان و دەربەدەری و مەرگی دەسەڵاتدارن ڕونە بە شەرمەزاری و مۆری خیانەتەوە

بۆیە هیوادارم هیوای ئەم گەلە نەخەنە ژێر گڵ بە مەرگی ناشرین و قێزەونی خۆتانەوە.

بابەتی پەیوەندیدار

Back to top button