لابردنی دزینی موچە نەدەسکەوتە نەمژدە گێڕانەوەی ماف وهەڵگرتنی ستەمێکە!؟..

لڤین:

ئەندامێکی پەرلەمانی کوردستان، نەهێشتنی لێبڕینی موچە نە دەستکەوتە و نەمژدە، تەنها گێڕانەوەی ماف و هەڵگرتنی ستەمێکە.

پاش ئەوەی ئەمڕۆ ( یەکشەممە، ٢٥ی تەمووزی ٢٠٢١ ) مەسرور بارزانی سەرۆکی حکومەتی هەرێمی کوردستان، لە لێدوانێکی ڤیدیۆیدا رایگەیاند،” لەم مانگەوە موچە بە بێ لێبڕین دابەش دەکرێت.” ئەم بڕیارەی سەرۆکی حکومەت کاردانەوەی لێکەوتەوە حزبە بەشداربووەکانی کابینەی نۆ کردیان بە دەستکەوتی خۆیان و منەت کردن بەسەر فەرمانبەران و مووچەخۆرانی هەرێم.

ئەبوبەکر هەڵەدنی ئەندامی پەرلەمانی کوردستان لە فراکسیۆنی یەکگرتوو، لە نوسینێکدا ئاماژەی بەوەکردووە،” چوار هۆکار لە پشت هەڵگرتنی لێبڕینی موچەوەن کە یەکەمیان ئەوەیە کە هیچ پاساوێک بۆ لێبڕین نەماوە:

دەقی نوسینەکە:

لابردنی دزینی موچە نەدەسکەوتە نەمژدە گێڕانەوەی ماف وهەڵگرتنی ستەمێکە!؟..

چوار هۆکار لەپشت هەڵگرتنی لێبڕینی مووچەوەیە:

١/هیچ پاساوێک نەماوە بۆلێبڕین بەهۆی ناردنی دووسەدملیاری بەغداد وبەرزبوونەوەی نرخی نەوت وزیادبوونی داهاتی ناوخۆ.

٢/بۆپێدانی ڕەوایەتی بەڕووداوەکانی سلێمانی ولەبیربردنەوەی ئەو دۆخەو بڵێن ئەوە شوێنەواروقازانجی بۆخەڵک دەرکەوت.

٣/نزیکبوونەوەی وادەی هەڵبژاردن.

٤/گوشاری پارتی بەوەی یەکێتی چەندی ببڕیایە لەداهات پارتیش ئەوەندەی دەبڕی.

دەسەڵاتی نابەرپرسیاروکۆیلەی دەربار داهاتی میلەت وموچەیەک بەیاسا ڕێکخراوە بەدەسکەوت ومژدە دەیفرۆشنەوە…

ئەبوبەکر هەڵەدنی

٢٥ / ٧ / ٢٠٢١

 

 

بابەتی پەیوەندیدار

Back to top button