فراکسیۆنی کۆمەڵی دادگەریی
دەسەڵات خەریکی هەڵوەشاندنی خێزان و ڕووخاندنی کۆمەڵگەیە
لڤین:
فراکسیۆنی کۆمەڵی دادگەریی، لە پەرلەمانی کوردستان، لە ڕاگەیەندراوێکدا ڕایگەیاندووە” چەند ڕۆژێکە شارەکانی هەرێمی کوردستان نوقمی ڕووداوی ناخۆش و دڵتەزێنە، لە کوشتن و خۆکوشتنەوە بیگرە تا سوکایەتی بە قورئان و شکاندنی سنورەکانی ئادابی گشتیی کۆمەڵگە”.
لە بەشێکی تری ڕاگەیەندراوەکەدا هاتووە” ئەو هەموو تاوانی کوشتن و خۆکوشتنەی لە ڕۆژانی ڕابردوودا تۆمارکران و ئەو بێباکی و خەمساردی و پشتگوێخستنەی دەسەڵاتیش لەبەرامبەریدا پێمان دەڵێت “ئێمە دەسەڵات و دەسەڵاتدارێکمان هەیە کە هیچ ویژدانێکی ئینسانییەتی نەماوە و خۆی و حاشیەکەی سەلامەت بن، کۆمەڵگە ئاو بیبا و ئاگر بیسوتێنێت هیچ خەمی نیە و ڕەنگە بە بەرژەوەندی خۆشی بزانێت” .
دەقی ڕاگەیەندراوەکە:.
ڕاگەیەندراوێک لە فراکسیۆنی کۆمەڵی دادگەریی
لە پەرلەمانی کوردستان
“دەسەڵات خەریکی هەڵوەشاندنی خێزان و ڕووخاندنی کۆمەڵگەیە”
بەناوی خوای بەخشندەی میهرەبان
چەند ڕۆژێکە شارەکانی هەرێمی کوردستان نوقمی ڕووداوی ناخۆش و دڵتەزێنە، لە کوشتن و خۆکوشتنەوە بیگرە تا سوکایەتی بە قورئان و شکاندنی سنورەکانی ئادابی گشتیی کۆمەڵگە !
بەرپرسیاری سەرەکی زیادبوونی ڕێژەی تاوان لە کۆمەڵگەدا تەنها دەسەڵات و حکومەتە، ئەمە حاڵەتێکی گشتییە بۆ هەموو وڵات و میللەتێک . جا ئەگەر تایبەتی بکەینەوە بە هەرێمی کوردستان ئەوە چاکتر واقیعەکە دەزانین و تێدەگەین کە دەسەڵاتێکی گەندەڵی ستەمکار کە خەمی ئەوەڵ و ئەخیری برسیکردنی خەڵک و تێرکردنی ورگ و پڕکردنی گیرفانی خۆیانە، چۆن خەریکی ڕووخاندنی بناغەی خێزان و لە ڕێی خێزانیشەوە لەبەریەکهەڵوەشانی کۆمەڵگەیە !
دوو شت دەبنە هۆی ئەوەی دەسەڵات سڵ لە ئەنجامدانی تاوان بکاتەوە و بەسۆز و بەزەیی بێت بەرامبەر خەڵکی خۆی ئەویش (دین و ویژدان)ـە !
ئەو هەموو تاوانی کوشتن و خۆکوشتنەی لە ڕۆژانی ڕابردوودا تۆمارکران و ئەو بێباکی و خەمساردی و پشتگوێخستنەی دەسەڵاتیش لەبەرامبەریدا پێمان دەڵێت “ئێمە دەسەڵات و دەسەڵاتدارێکمان هەیە کە هیچ ویژدانێکی ئینسانییەتی نەماوە و خۆی و حاشیەکەی سەلامەت بن، کۆمەڵگە ئاو بیبا و ئاگر بیسوتێنێت هیچ خەمی نیە و ڕەنگە بە بەرژەوەندی خۆشی بزانێت” .
دڕاندنی قورئان لە هەولێر کە ئەوپەڕی دەستدرێژی و سوکایەتییە بۆسەر پیرۆزترینی پیرۆزییەکانی میللەتی مسوڵمانی ئێمە لە هەولێر و، خۆڕوتکردنەوە و سەماکردنی دوو موراهیقی پەروەردەنەکراو لەبەرچاوی خەڵک و لە مانگی پیرۆزی ڕەمەزان و لە قەرەباڵغترینی شوێنی شار، ئاماژەیە بۆئەوەی کە ئەم دەسەڵاتە لەگەڵ بێویژدانییەکەی، بە پلان و پیلان لە هەوڵی بریندارکردنی شعوری مسوڵمانان و شکاندنی ئەو سنورانەیە کە خوای گەورە قەدەغەی کردوون !
هەریەک لەم دوو سیفاتە بنەمای ستەمکارین و سوننەتی خوای گەورەش وایە کە ئیدامە بە دەسەڵاتێک نادات کە ستەمکار بێت ئەگەرچی دەسەڵاتێکی ئیسلامییش بێت !
فراکسیۆنی کۆمەڵی دادگەریی
٢٤ ی نیسانی ٢٠٢١
هەولێر
Notice: Undefined index: img in /home/new.lvinpress.com/public_html/wp-content/plugins/molongui-authorship/public/views/parts/html-author-box-avatar.php on line 4
Notice: Undefined index: show_social_web in /home/new.lvinpress.com/public_html/wp-content/plugins/molongui-authorship/public/views/parts/html-author-box-socialmedia.php on line 6
Notice: Undefined index: show_social_mail in /home/new.lvinpress.com/public_html/wp-content/plugins/molongui-authorship/public/views/parts/html-author-box-socialmedia.php on line 7
Notice: Undefined index: show_social_phone in /home/new.lvinpress.com/public_html/wp-content/plugins/molongui-authorship/public/views/parts/html-author-box-socialmedia.php on line 8
Notice: Undefined index: type in /home/new.lvinpress.com/public_html/wp-content/plugins/molongui-authorship/public/views/parts/html-author-box-name.php on line 20
Notice: Undefined index: type in /home/new.lvinpress.com/public_html/wp-content/plugins/molongui-authorship/public/views/parts/html-author-box-name.php on line 21
Notice: Undefined index: type in /home/new.lvinpress.com/public_html/wp-content/plugins/molongui-authorship/public/views/parts/html-author-box-name.php on line 22
Notice: Undefined index: name in /home/new.lvinpress.com/public_html/wp-content/plugins/molongui-authorship/public/views/parts/html-author-box-name.php on line 44
Notice: Undefined index: bio in /home/new.lvinpress.com/public_html/wp-content/plugins/molongui-authorship/public/views/parts/html-author-box-bio.php on line 21
