پێكهاتەی نوێیەکەی دادگای فیدڕاڵی عێراق یه‌كه‌م كۆبونه‌وه‌ی خۆی ئەنجام دا

لڤین:

لە ڕاگەیەندراوێکدا نوسینگەی راگەیاندنی دادگای فیدڕاڵی عێراق، ڕایگەیاندووە کە ئەمڕۆ دوشەممە بەئامادەبوونی هەر ٩ ئەندامە سەرەکییەکە، دادگای فیدڕاڵی یەکەم دانیشتنی ئاسایی خۆی ئه‌نجامداوه‌ و لەیەکەم کۆبوونەوەی دادگاکەشدا پێداچونەوەی بۆ دوو سکاڵانامە کراوە کەئاڕاستەیان کراوە.

لەبارەی سکاڵانامەکانەوە لە ڕاگەیەندراوەکەدا هاتووە، سکاڵانامەی یەکەم تایبەت بوو بە تانەدان بەرامبەر بڕیاری پەرلەمانی عێراق بۆ هەڵوەشاندنەوەی ئەنجومەنی پارێزگاکان و سکاڵانامەی دووەمیش تایبەت بووە بە ئەنجومەنی شارەوانی ناوچه‌ی کەڕادە لە بەغدا.

دادگای فیدڕاڵی دوای گوێگرتن لە لایه‌نه‌ پەیوەندیداره‌كان، بڕیاریداوە دانیشتنەکە لە مانگی ئایاردا سەبارەت بە هەردو تانەکە بەردەوامی هەبێت.

 

بابەتی پەیوەندیدار

Back to top button