سەرۆکی دەستەی ژینگە

ئەو پارەیەی بەناوی ژینگەوە لەهاوڵاتیان وەردەگیرێت ناگەڕێتەوە بۆ ناو داهاتی حکومەت

لڤین:

عەبدولڕەحمان سدیق، سەرۆکی دەستەی پاراستن‌و چاککردنی ژینگەی هەرێمی کوردستان لەڕۆژی ژینگەی کوردستاندا لەکۆنگرەیەکی ڕۆژنامەنوسیدا هەڵمەتی هەفتەی هوشیاریی ژینگەیی ڕاگەیاند ئەو پارەیەی بەناوی ژینگەوە لەهاوڵاتیان وەردەگیرێت بۆ ژینگه‌ خه‌رج ناكرێت‌و ناگەڕێتەوە بۆ ناو داهاتی حکومەت.

لە بەشێکی تری لێدوانەکەیدا سەرۆکی دەستەی پاراستن‌و چاککردنی ژینگەی هەرێمی ئاماژەی بەوەدا پێداچونه‌وه‌یان به‌هه‌ردوو یاسای ژماره‌ ٨ی ساڵی٢٠٠٨ و یاسای ژماره‌ ٣ی ساڵی٢٠١٠ی ژینگەدا کردووە به‌مه‌به‌ستی هه‌مواركردنه‌وه‌یان له‌به‌رژه‌وه‌ندی ژینگه‌ی هەرێمی كوردستان و ڕەوانەی پەرلەمانیان کردووە بۆ پەسەندکردنی.

سەبارەت بەو پارەی کە بەناوی ژینگەوە لەهاوڵاتیان وەردەگیرێت بۆ خزمەتی ژینگەو بۆ دەستەی ژینگە دەگەڕێتەوە یان نا؟

عەبدولڕەحمان سدیق ڕایگەیاند تا ئێستا هیچ بڕە پارەیەک نەگەڕاوەتەوەو خراوەتە ناو سندوقێکەوە کە ناگەڕێتەوە بۆ ناو داهاتی حکومەت.

بابەتی پەیوەندیدار

Back to top button