بۆ دابەزاندنی بەهای دۆلار بانكی ناوەندی هەنگاوێکی کرداریی نا
لڤین:
بۆ دابەزاندنی بەهای دۆلار بەرامبەر دیناری عێراقی، کە ئەمڕۆ 100 دۆلار نزیکبوەوە لە 150 هەزار دینار لە بازاڕەکانی عێراق و هەرێمی کوردستان، بانكی ناوەندی عێراق بڕیاریدا، بڕی فرۆشتنی پارەی كاشی دراوی بیانی زیاتر بكات.
بەپێی بەڵگەنامەیەك كە لەلایەن بانكی ناوەندییەوە بۆ سەرجەم بانك و كۆمپانیاكانی فرۆشتنی دراو و كۆمپانیاكانی حەواڵە نێردراوە “بۆ مەبەستی دابینكردنی داواكارییەكان لەسەر دراوی بیانی و هێنانەدی ئامانجی سیاسەتەكانی دراو و زامنكردنی جێگیربوونی نرخی خەرج، بانكی ناوەندی عێراقی بڕیاریدا بڕی فرۆشتنی دراوی بیانی بۆ بۆ ژمارەیەك لە بانك و كۆمپانیاكانی فرۆشتنی دراو زیاتر بكات”.
ئەم هەنگاوەی بانكی ناوەندی عێراق، ڕەنگە ببێتە مایەی دابەزینی نرخی دۆلاری ئەمریكایی كە ئەمڕۆ 100 دۆلار بۆ نزیكەی 150 هەزار دینار بەرزبوەوە.
