چەند وێنەیەکی ناوچە گەشتیارییەکانی سلێمانی لە ئاسمانەوە ببینە

لڤین:

بەڕێوەبەرایەتی هاتووچۆی سلێمانی، چەند وێنەیەکی ناوچە گەشتیارییەکانی سلێمانی، دوێنێ و ڕۆژانی نەورۆزی بڵاو کردەوە، کە لەڕێگەی هێلیکۆپتەرەوە لە ئاسمانەوە گرتوویەتی.

بەڕێوەبەرایەتی هاتووچۆی سلێمانی، لەگەڵ بڵاوکردنەوەی وێنەکاندا لە پەڕەی تایبەتی خۆی لە فەیسبووک، نوسیویەتی: “لە پشووەکانی جەژنی نەورۆز و رۆژانی کۆتایی هەفتەدا تیمی فڕۆکەوانی بەڕێوەبەرایەتی هاتووچۆی سلێمانی، بەردەوام لە خزمەتدا بوون چاودێری شەقام و ڕێگاکانی ناو شارو دەرەوەی شاریان دەکرد”.

ئاماژەی بەوەشکردووە ئامانجی تیمی فڕۆکەوانی هاتووچۆی سلێمانی نەهێشتنی لۆد و قەرەباڵغیی و کارئاسانی کردنە بۆ هاوڵاتییان، سەرەڕای ئەوەی لە ئامادەباشیدا بوون بۆ هەر  حاڵەتێکی کتوپڕ و پێشکەش کردنی خزمەتگوزاریی بەهاناوەچوون و ڕزگار کردن.

ئەوەشی خستوەتەڕوو جیاواز لەوانە لەڕێگەی هێلیکۆپتەرەکانەوە، پروشەری ڕێنمایی بەسەر هاوڵاتیاندا بڵاوکرایەوە.

فۆتۆ: بەرهەم محمود

بابەتی پەیوەندیدار

Back to top button