بە تۆمەتى ڕفاندنى ئۆتۆمبێل سێ کەس دەستگیر دەکرێن

لڤین:

ئاسایشی رۆژئاوای سلێمانی، سێ کەس بەتۆمەتی  قۆڵبڕین  و بردن و رفاندنی ئۆتۆمبێلی هاوڵاتییەکی شاری سلێمانی دەستگیرکران و دەستیش بەسەر ئۆتۆمبێلەكەدا گیرا.

بەڕێوەبەرایەتی ئاسایشی رۆژئاوای سلێمانی، ئێوارەی ئەمڕۆ ( پێنجشەممە، ٩ی ئەیلوولی ٢٠٢١ ) لە راگەیەندراوێكدا بڵاویکردەوە،” دوای ئەوەی لە رێكەوتی 7/9/2021 لەلایەن بەڕێوەبەرایەتی پۆلیسی پارێزگای سلێمانی ئاگادارکراینەوە کە سێ کەس لە ناو شاری سلێمانی هەستاون بە قۆڵبڕین و بردن و رفاندنی  ئۆتۆمبێلێكی جۆری نیسان ناڤارا رەنگی سپی کە خاوەنداریەتیەکەی دەگەڕێتەوە بۆ هاوڵاتی (شاڵاو ئەحمەد فەقێ ڕەشید) دانیشتوی سلێمانی، دەستبەجێ سەرجەم بازگەو مەفرەزەو هێزەکانمان لەبەڕێوەبەرایەتییەكەمان لەم روداوە ئاگادار کرانەوە”.

ئاماژە بەوەیشداروە،”سەرەنجام پاش دو کاتژمێر ئۆتۆمبێلەکەو حائیزەکانی لەسنوری بەڕێوەبەرایەتیمان دەستگیرکران”.

لە کۆتایی ڕاگەیەندراوەکەدا هاتوە،” سەرجەمیان داواکراوبون بەپێی ماددەی (٤٥٦) لەیاسای سزادانی عێراقی پاشان بەبڕیاری دادوەر بەپێی تایبەتمەندی کەیسەکە ڕادەستی بنکەی پۆلیسی هەواری شار کران لەسلێمانی”.

بابەتی پەیوەندیدار

Back to top button