رێکخراوی جاسەنە: سەرکۆنەی ئەو هێرشە دەکەین کە کراوەتە سەر كەناڵی iPLUS

لڤین:

رێکخراوی جاسەنە بۆ ئازادی بیروڕاو میدیا ڕایدەگەیەنێت هێرشکردنەسەر کەناڵی iPLUS لە سلێمانی دەستدرێژیە بۆ سەر ئازادی رۆژنامەگەری.

لەسەر داخستنی كەناڵی  iPLUS لە سلێمانی رێکخراوی جاسەنە بۆ ئازادی بیروڕاو میدیا ڕاگەیەندراوێكی بڵاو كردەوە و تێیدا هاتووە،” ئەم ئێوارەیە ١٣ ی تەموز لە گەڕەکی کوردسات لە سلێمانی لەلایەن گرووپێکی چەکدارەوە ‌هێرشکرایە سەر کەناڵی I PLUS و سەرەتا رۆژنامەنووسەکانیان لە شوێنێکدا گرکردۆتەوەو دواتر ڕێگایان پێداون کەناڵەکە جێبهێڵن و برۆنە دەرەوەو، هێزەکەش لە ئۆفیسی کەناڵەکەدا ماونەتەوەو دەستیان بەسەردا گرتووە.”

 

دەقی ڕاگەیەندراوەكە

هێرشکردنەسەر کەناڵی iPLUS لە سلێمانی دەستدرێژیە بۆ سەر ئازادی رۆژنامەگەری ئەم ئێوارەیە ١٣ ی تەموز لە گەڕەکی کوردسات لە سلێمانی لەلایەن گرووپێکی چەکدارەوە ‌هێرشکرایە سەر کەناڵی I PLUS و سەرەتا رۆژنامەنووسەکانیان لە شوێنێکدا گرکردۆتەوەو دواتر ڕێگایان پێداون کەناڵەکە جێبهێڵن و برۆنە دەرەوەو، هێزەکەش لە ئۆفیسی کەناڵەکەدا ماونەتەوەو دەستیان بەسەردا گرتووە. ئێمە وەک ڕێکخراوی “جاسەنە” بۆ ئازادی بیروڕاو میدیا، سەرباری ئەوەی سەرکۆنەی ئەو هێرشە دەکەین کە کراوەتە سەر کەناڵێک کە مۆڵەتی فەرمی هەیە، هاوکات یاسای رۆژنامەگەری ٣٥ ی ساڵی ٢٠٠٧یش ڕێگا بە داخستنی هیچ میدیایەک نادات، ئەم هەنگاوەش سەرپێچی کردنی ئەو یاسایەیە، هەربۆیە داوا لەلایەنە ناکۆکەکانی سلێمانی دەکەین کە ئاستی ناکۆکییە سیاسییەکانیان هەرچییەک بێت، نابێت ببێتە مایەی ئازاردانی رۆژنامەنووسان و دەستگرتن بەسەر کەناڵ و داخستنی میدیاکاندا.

رێکخراوی جاسەنە بۆ ئازادی بیروڕاو میدیا ١٣-٧-٢٠٢١

 

بابەتی پەیوەندیدار

Back to top button