بەوێنە:شێخ نەهرۆ كەسنەزانی لە هەوڵی چارەسەركردنی كێشەكانی یەكێتیدایە

لڤین:

نوسینگەی شێخ نەهرۆ كەسنەزانی سەرۆكی تەریقەتی كەسنەزانی لەجیهاندا لە ڕاگەیەندراوێکدا، ڕایگەیاندووە،” شێخ نەهرۆ كەسنەزانی لە هەوڵی چارەسەركردنی كێشەكانی یەكێتیدایە و جەختی لەسەر پاراستنی رێزەكانی یەكێتی نیشتیمانی كوردستان دەکاتەوە.”

ئاماژەی بەوەیش داوە کە،” شێخ نەهرۆ لەسەردانێكیدا بۆ لای هەردوو بەڕێز بافڵ تاڵەبانی و شێخ لاهور جەختی لەسەر پاراستنی رێزەكانی یەكێتی نیشتیمانی كوردستان كردەوە و رایگەیاند، پێویستە كێشەكان بە دانیشتن و دیالۆگ چارەسەربكرێن لەپێناو سەقامگیری ناوچەكە و كوردستان.”

هەروەها هاتووە،” لەدانیشتنەكانی شێخ نەهرۆ كەسنەزانی لەگەڵ بەڕێز بافڵ تاڵەبانی و شێخ لاهور، هەردوولا بەڵێنیاندا كە لەدانیشتن و دیالۆگ و گفتوگۆ بەردەوامبن و بەزوترین كات كێشەكانی یەكێتی نێشتیمانی كوردستان چارەسەربكەن.”

لە کۆتایدا هاتووە،” لای خۆێشیەوە جەنابی شێخ نەهرۆ كەسنەزانی پشتیوانی خۆی دووپاتكردەوە بۆ درێژكردنی دەستی هاوكاری بەمەبەستی سەركەوتنی ئەو پڕۆسەیە.”

بابەتی پەیوەندیدار

Back to top button