نۆ لە زیندانیانی بادینان دادگایی دەكرێن

لڤین:

تیمی كوردستانی عێراقی رێكخراوی بنیاتنه‌ری ئاشتی مسیحی نێودەوڵەتی ( CPT )، رێككەوتی ( ١٢ و ١٣ )ـی تەمموز، نۆ لە زیندانیانی بادینان لە دادگای تاوانەكانی هەولێر دادگایی دەكرێن.

ئێوارەی ئەمڕۆ یەكشەممە، رێکخراوەکە لە راگەیەندراوێكدا، ڕایگەیاندوە، بەھۆی پیادەکردنی مافی ئازادی ڕادەربڕینەوە، سبەی دوشەممەو دوسبەی سێشەممە رێككەوتی 12و 13ی تەمموز، نۆ لە زیندانیانی بادینان لە دادگای تاوانەكانی هەولێر دادگایی دەكرێن.”

ئەوەشی ئاشكراكردوە،” ئەو نۆ زیندانییەی دادگایی دەكرێن پێكدێن لە چالاكوانان، سلێمان كەمال، سلێمان موسا، فرسەت ئەحمەد، جەمال خەلیلو عامر خالید، مەسعود عەلی، شێروان تەها، کارگەر عەباس و بەندەوار ئەیوب.”

لە بەشێکی تری ڕاگەیەندراوەکەدا هاتووە،” هەمویان بەناڕەوا تاوانباركراون بە ئەنجامدانی كاری سیخوڕی و پلانڕێژی بۆ کاری تێكدەرانە.”

جەختیشی كردۆتەوە،” زۆرێك لەم چالاكوانانە بەبێ ئاگاداركردنەوەی پێشوەختە بە بەرچاوی خانەوادەكانیان فڕێندراون و ئەوان تەنیا داوایان لە حكومەتی هەرێمی كوردستان كردبو کە موچەی فەرمانبەران بدات.”

لە کۆتایی ڕاگەیەندراوەکەدا هاتووە،” ئێمە لە تیمی CPT كوردستانی عێراق چاوەڕێی بڕیاری دادگاین و هیوامان ئازادی زیندانیانی بادینانە بۆ ئەوەی بە خانەوادەكانیان شادببنەوە.”

بابەتی پەیوەندیدار

Back to top button