لەبارەی ٢٠٠ ملیار دینارەکەوە ٢٥ پەرلەمانتاری کوردستان ڕاگەیەندراوێک بڵاودەکەنەوە

لڤین:

پەرلەمانتارانی کوردستان، كۆتایی بهێنرێت بە بڕیاری لێبڕینی موچەی موچەخۆرانی هەرێمی كوردستان، وەكچۆن ساڵێك زیاترە بەناوی خۆگونجاندنەوە، بەشێكی موچەی موچەخۆران گلدراوەتەوە.

پاش ئەوەی وەزارەتی دارای و ئابوری حکومەتی هەرێمی کوردستان، ئەمڕۆ ( یەک شەممە، ١١ی تەمموزی ٢٠٢١ ) لە ڕاگەیەندراوێکدا ڕایگەیاند، کە وەزارەتی دارای حکومەتی ناوەند، بڕی ( ٢٠٠ ) ملیار دیناری خستوەتە سەر هەژماری بانگی وەزارەتی دارای هەرێم، ( ٢٥ ) پەرلەمانتاری کوردستان، ڕاگەیەندراوێکیان بڵاوکردوەو و ڕایانگەیاند،”سەرئەنجامی رێكەوتنی هەرێم لەگەڵ بەغداد، ئەمڕۆ بانكی ناوەندی عیراقیی، وەكو قۆناغی سەرەتا، بڕی ( ٢٠٠ ) ملیار دیناری خستە سەر هەژماری بانكیی وەزارەتی دارایی حكومەتی هەرێمی كوردستان و لەمبارەیەیشەوە، ئێمەی پەرلەمانتاران هەڵوێستمان بەمجۆرە رادەگەیەنین:

١- ئەم سەرەتایە دەنرخێنین و بەپێی ئەو زانیارییانەیشی كە لە بڕیارەكەدا هاتوە، ئەم بڕە پارەیە بۆ “موچە”ی موچەخۆرانی هەرێمی كوردستان دەبێت و نابێت سەرفكردنی بۆ هیچ بوارێكی دیكەبێت.

٢- جەختدەكەین لەسەر پێویستیی پابەندبونی حكومەتی هەرێم و حكومەتی عیراقیی بە یاسای بودجەی عیراق بۆ ساڵی 2021، كە ئەرك و ماف و شایستە داراییەكانی هەرێمی كوردستان-ی تێدا جێگیركراوە.

٣- كۆتایی بهێنرێت بە بڕیاری لێبڕینی موچەی موچەخۆرانی هەرێمی كوردستان، وەكچۆن ساڵێك زیاترە بەناوی خۆگونجاندنەوە، بەشێكی موچەی موچەخۆران گلدراوەتەوە. بۆیە، هیچ پاساوێك بۆ ئەو لێبڕینە نایاسایی و ناڕەوایە نەماوە و نابێت چیتر خۆگونجاندن لەسەر حسابی موچەخۆرانی هەرێمی كوردستان بێت.

ئیمزاكان:
١- مەم بورهان قانع.
٢- رۆژان حەمەرەش.
٣- عەلی حەمەساڵح.
٤- هەورامان گەچێنەیی.
٥- سەرچنار ئەحمەد.
٦- محێدین حەسەن یوسف.
٧- كاروان گەزنەیی.
٨- شیرین ئەمین.
٩- شادی نەوزاد.
١٠- شێركۆ جەودەت.
١١- دیاری ئەنوەر.
١٢- لوقمان وەردی.
١٣- سەلمە فاتیح.
١٤- هەلز ئەحمەد محەمەد.
١٥- دابان محەمەد.
١٦- سیروان بابان.
١٧- ئاشنا عەبدوڵلا.
١٨- ئیسماعیل تەها سگیری.
١٩- شایان عەسكەری.
٢٠- فەرید یعقوب ئیلیا.
٢١- ئەبوبەكر هەڵەدنی.
٢٢- جەلال محەمەد.
٢٣- هەژان حەسەن كوێستانی.
٢٤- رزگار محەمەد.
٢٥- شەمۆل ئاشتی سابیر.

بابەتی پەیوەندیدار

Back to top button