پڕۆژه‌ی ئاوه‌ڕۆی تاسلوجه‌ – سلێمانی و هه‌ڵه‌بجه‌ جێبەجێ دەکرێت

لڤین:

به‌رێوه‌به‌رایه‌تی گشتی ئاو و ئاوه‌ڕۆی هه‌رێمی كوردستان، به‌ گوژمه‌ی شه‌ش ملیۆن و نیو ملیۆن دۆلار پڕۆژه‌ی ئاوه‌ڕۆی تاسلوجه‌ – سلێمانی و هه‌ڵه‌بجه‌ جێبه‌جێده‌كرێت .

به‌رێوه‌به‌رایه‌تی گشتی ئاو و ئاوه‌ڕۆی هه‌رێمی كوردستان، ئەمڕۆ ( شەممە، ١٠ی تەمموزی ٢٠٢١ ) ڕایگەیاند،” بۆ بەسەرکردنەوەی پرۆژەکان و بەدواداچوونی قۆناغەکانی جێبەجێکردنیان، شاندێك له‌ به‌رێوه‌به‌رایه‌تییه‌كه‌مان به‌سه‌رۆكایه‌تی ئاری ئەحمەد قادر لەگەڵ ئیسماعیل سەرپەرشتیاری قەرزی ژاپۆنی لە بەڕێوەبەرایەتی گشتی ئاو و ئاوەڕۆ،پرۆژەکانی سلێمانی و هەڵەبجەی بەسەر کرایه‌وه‌ و لە کۆبوونەوەیەکیشدا لەگەڵ بەڕێوەبەرانی ئاوی سلێمانی و هەڵەبجە و کۆمپانیای ڕاوێژکاری جێبەجێکار(خطیب العلمی)و نوێنەری ( UNDP ) لەبەڕێوەبەرایەتی ئاوی سلێمانی،جەخت لە تەواوکردنی پرۆژەکان کرایەوە بەر لە وەرزی باران.”

هەروەها ئەندازیار ئاری ئەحمەد قادر بەڕێوەبەری گشتی ئاو و ئاوەڕۆ  لە لێدوانێکدا ڕایگەیاند،” کۆبوونەوەکە بۆ بەدواداچوونی پرۆژەی ڕاکێشانی هێلی سەرەکی لە تاسڵوجە بۆ سلێمانی بەبۆری تیرەی ( ٦٠٠ ) ملیم،هەروەها دروستکردنی ئاوەڕۆ و دانانی تۆڕی ئاو لەچەند گەڕەکێکی شاری هەڵەبجە ڕێکخرا،دەمانەوێ بەر لە وەرزی باران ئەو پرۆژانە تەواو بکرێن.”

جێگەی ئاماژە پێدانە، بەڕێوەبەری گشتی ئاو و ئاوەڕۆ ئاماژەی به‌وه‌ش كرد،” تا ئێستا نزیکەی ( ١٢٠٠ ) مەتر کاری هەڵکۆڵین لە پرۆژەی ئاوی تاسڵوجە-سلێمانی کراوە و ( ٥٠٪ )ـی کەرەستە و پێویستی پرۆژەکانی گەیشتوون لەگەڵ ئەوەی هێنانی کەرەستەکان بەردەوام دەبن تا کۆتایی هاتنی پرۆژەکان،ئومێدیش دەکەین ئەو پرۆژانە ببنە پاڵپشتیەکی باش بۆ شارەکانی سلێمانی و هەڵەبجە.”

 

بابەتی پەیوەندیدار

Back to top button