ژمارەیەکی دیکەی زیندانی سیاسی منحەی مانگانەیان بۆ خەرجدەکرێت

لڤین:

بەپێی فەرمانێک کە کۆپیەکی دەست ( لڤین ) کەتووە، وەزارەتی شەهیدان و ئەنفالکراوان لیستی دووەمی ناوی ئەو زیندانیە سیاسیانەی تێدایە کە منحەی مانگانەیان بۆ خەرجدەکرێت.

فەرمانەکە لەوەزارەتی شەهیدان بە ژمارە ( ٤٧٤ ) لە ( ٢٤ / ٦ / ٢٠٢١ ) بە واژوی وەزیر ( عەبدوڵا حاجی محمود ) ی لەسەرە و تێیدا هاتووە،” ئاماژە بە نوسراوی بەڕێز ئەنجومەنی وەزیران ژمارە ( ١٩٦١ ) لە ( ١٥ / ١٠ / ٢٠٢١ ) و ڕەزامەندی وەزارەتی دارای و ئابوری / بوودجە میلاکات ژمارە ( ٢٩١٤ ) لە ( ٢٤ / ٦ / ٢٠٢١ ) بڕیارماندا بە خەرج کردنی منحەی زیندانی کراوی سیاسی کە ژمارەیان ( ١٩٧ ) زیندانی کراوە”.

لە بەشێکی تری فەرمانەکەدا ئاماژە بە بڕی پارەی پێویست کراوەو هاتووە،” ( ١٠٩،٢٠٠،٠٠٠ ) دینار لە ( ١ / ٥ / ٢٠٢١ ) بەپێی ڕێنمایی دارای ژمارە ( ١٩ ) لە ( ٨ / ٧ / ٢٠١٢ ) وەکو قۆناغی دووەم لەسەر بودجەی بەڕێوەبەرایەتی کاروباری زیندانیە سیاسیەکان”.

بابەتی پەیوەندیدار

Back to top button