هەواڵی فڕاندنی ژنێکی ئێزیدی و سێ منداڵی بۆ هەڵەبجە بەدرۆ دەخرێتەوە

لڤین:

سەرلەئێوارەی ئەمڕۆ یەک شەممە ژنێكی ئێزدی رزگاربووی دەستی داعشە بەناوی (سەلما عەباس اسماعیل) و سێ منداڵی لە کەمپی (قادیا) لە شارۆچکەی شێخان دیارنەماون.

جێگەی ئاماژە پێدانە چەند پیگەیەكی میدیایی ئیزیدیەكان لەتۆرەكۆمەڵایەتیەكان بلاویانكردوەتەوە كە ئەو ژنە ئێزیدیەو منداڵەكانی رفێندراون بۆ هەڵەبجە.

لەوبارەیەوە بەرزان عوسمان وتەبێژی پۆلیسی پارێزگای ھەڵەبجە لەلێدوانێكدا بۆ ڤەدەنگ، ڕایگەیاندووە،” ئەو ھەواڵە دورە لەڕاستیەوە و ئەسڵ و ئەساسی نیە ، چ پۆلیس چ ئاسایش ھیچ زانیاریەكیان لەوبارەیەوە لانیە و ھیچ شتێکیاشیان بەدەست نەگەشتووە “.

وتەبێژی پۆلیسی هەلەبجە وتیشیەتی” داواكارم میدیاکان دوور بکەونەوە لە بڵاوکردنەوەی ھەواڵی ناڕاست ، چونکە کاریگەری لەسەر پێگەی ئەو کەناڵ و سایتانە دەبێت لە کۆمەڵگادا”.

 

بابەتی پەیوەندیدار

Back to top button