کەسێک بەتۆمەتی کوشتنی هاوسەرەکەی دەستگیركرا
لڤین:
مەفرەزەكانی بنكەی پۆلیسی بەكرەجۆ لەشاری سلێمانی تۆمەتبارێكیان دەستگیركرد كە هەستابوو بە كوشتی ژنەكەی .
بەڕێوەبەرایەتی پۆلیسی پارێزگای سلێمانی، لە ڕاگەیەندراوێکدا ئاشکرایکرد، “شەوی ڕابردو کاتژمێر ٩:٣٠ خولەک لەگەڕەكی بەكرەجۆ لەشاری سلێمانی دەنگی تەقە بیسترا، دەستبەجێ مەفرەزەكانی بنكەی پۆلیسی بەكرەجۆ گەیشتنە شوێنی ڕوداوەكەو دەركەوت كە پیاوێك فیشەكی ناوە بە ژنەكەیەوە و كوشتویەتی و هەڵاتووە”.
پۆلیسی پارێزگای سلێمانی، ڕاشیگەیاندووە “دوای لێكۆڵینەوەكان و گەڕان و پشكنینەكان توانرا لە ماوەی ٣ کاتژمێردا تۆمەتبار بدۆزرێتەوە و دەستگیربكرێت”.
لەئێستادا تۆمەتبار (م ، ك ، أ) لەدایكبووی ١٩٦٨ بەبڕیاری بەڕێز دادوەر ڕاگیراوە و لێكۆڵینەوە لەگەڵیدا بەردەوامە.
پۆلیسی سلێمانی ڕوونیشیکردوەتەوە کە “بكوژو كوژراو لەپرۆسەی هاوسەرێتی لێك جیابوونەتەوە بەڵام لە ماڵێكدا پێكەوە ژیاون”.
