یەکێتی یەکەم هاوپەیمانی ئاشکرا کرد

لڤین:

پاش کۆتایی هاتنی کۆبوونەوەی شاندی باڵای یەکێتی بە سەرۆکاەتی بافڵ تاڵەبانی هاوسەرۆک و هاوپەیمانی فەتح بە سەرۆکایەتی هادی عامری، لە کۆنگرەیەکی ڕۆژنامەنوسیدا هادى عامرى رایگەیاند،” چەند پرسێکیان تاوتوێکردووە کە گرنگترینیان ئەنجامدانى هەڵبژاردن بووە لە وادەى خۆیدا، لەگەڵ پەیوەندییەکانى هەرێم و بەغدا و پەیوەندییەکانیان هاوپەیمانێتییەکەیان و یەکێتى”.

هەروەها ئاڵا تاڵەبانى ئەندامی شاندی یەکێتی، بە رۆژنامەنوسان، ڕایگەیاند،”  پرسی هەڵبژاردنیان تاوتوێکردووە و جەختیان کردووەتەوە لەئەنجامدانى هەڵبژاردن لەوادەى خۆیدا”.

سەبارەت بە بەستنی هاوپەیمانی لەگەڵ لایەنە عێراقیەکان، ئاشکرای کرد، “ئێمە دۆستە دێرینەکانمان لەبیر ناکەین، هەموو کات هاوپەیمانیان دەبین، بۆ ئێستا و دواى هەڵبژاردنیش نزیکترین لایەن لە ئێمەوە هاوپەیمانى فەتحە، جگە لە لایەنەکانى دیکەى شیعە و سوننە”.

لە درێژەی لێدوانەکەیدا ئاڵا تاڵەنی جەختیکردەوە،” تا تەواوبوونى وادەى ئەم حکومەتە بەردەوام دەبن لەکارکردن لەگەڵ هاوپەیمانى فەتح، دواى هەڵبژاردنیش هاوپەیمانیان دەبێت”.