جوتیار عادل:

چیتر خەڵک و هەرێمی کوردستان رێگە نادەن ببنە قوربانی سیاسەتی چەوتی پەکەکە

لڤین:

جوتیار عادل، وته‌بێژی حكومه‌تی هه‌رێمی كوردستان، له‌ بارەی ئاڵۆزیەکانی سەرلەبەیانی ئەمڕۆ ( شەممە، ٥ی حوزەیرانی ٢٠٢١ )ـی چیای مەتین ڕاگەیەندراوێکی بڵاو کردەوە و رایگه‌یاندووە،”حکومەتی هەرێمی کوردستان ئەم ھێرشەی پەکەکە بە توندی شەرمەزار دەکات و چیتر خەڵک و هەرێمی کوردستان رێگە نادەن ببنە قوربانی سیاسەتی چەوتیان و ببنە ھۆکاری زیانگەیاندنی گیانی و ماددی بە ھەرێمەکەمان”.

 

ده‌قی راگه‌یندراوه‌كه‌:

بە داخێکی زۆرەوە، سەرلەبەیانی ئەمڕۆ 5/ 6/ 2021، لە ئەنجامی دانانی کەمینێکی پارتی کرێکارانی کوردستان (پەکەکە) لە دەڤەری ئامێدی، پێنج پێشمەرگە شەهید و چەندیش بریندار بوون.

حکومەتی هەرێمی کوردستان ئەم ھێرشەی پەکەکە بە توندی شەرمەزار دەکات و چیتر خەڵک و هەرێمی کوردستان رێگە نادەن ببنە قوربانی سیاسەتی چەوتیان و ببنە ھۆکاری زیانگەیاندنی گیانی و ماددی بە ھەرێمەکەمان.

لە کاتێکدا ھێرشکردنە سەر هێزی پێشمەرگە بە ھێرشکردنە سەر تەواوی خەڵکی کوردستان دەزانین، هێزی پێشمەرگەی کوردستان بەردەوامە لە پاراستنی هاووڵاتیان و بست بە بستی خاکی هەرێمی کوردستان، و بە ئەرکی خۆی دەزانێت بەرگری لێبکات.

پرسەو سەرەخۆشی خۆشمان ئاراستەی خانەوادەی ئەو شەھیدانە دەکەین و خوازیارین لە یەزدانی دلۆڤان بە بەهەشتی بەرینیان شاد بکات و هیوای زوو چاکبوونەوەش بۆ بریندارەکان دەخوازین.

 

د.جوتیار عادل

وتەبێژی حکومەتی ھەرێمی کوردستان

5/ 6/ 2021

بابەتی پەیوەندیدار

Back to top button