ساسان عەونی:

دابین کردنی نزیکەی ٦ ملیار دینار بۆ سلێمانی كاریگەری راستەوخۆی لەسەر سەوزاییەكانی ئەو شارە دەبێت

لڤین:

وەزیری شارەوانی و گەشتوگوزار، دابینکردنی ( ٥ ملیار و ٧٠٠  ملیۆن ) دینار،كاریگەریەكی راستەوخۆی لەسەر بەردەوامی سەوزاییەكانی ناو شاری سلێمانی و بە تایبەتی پاركی هەواری شار و هەموو بلوارەكانی ناو شاری سلێمانی دەبێت

ساسان عەونی وەزیری شارەوانی و گەشتوگوزار، ڕایگەیاندووە،” سەرۆكی حكوومەتی هەرێمی كوردستان گرنگیی زۆر بە بابەتی سەوزایی لە شاری سلێمانی دەدات و لەم ڕوانگەیەوە پارەی بۆ پاركی هەواری شار و بلوارەكانی ناوشار تەرخانكرد و ئەو بڕە پارەیەش كاریگەری راستەوخۆی لەسەر بەردەوامی سەوزاییەكانی شارەكە دەبێت.’
سەبارەت بە دابینكردنی ئەو ( ٥ ملیار و ٧٠٠  ملیۆن ) دینارە بۆ به‌ڕێوه‌بردن و خزمەتكردنی سه‌وزایییەكانی‌ پاركی هه‌واری شار و شه‌قامی شێخ مه‌حموود و شه‌قامی تاسڵووجه‌ لە شاری سلێمانی، ساسان عەونی وەزیری شارەوانی و گەشتوگوزار رایدەگەیەنێت،” كە جەنابی سەرۆكی حكوومەت كاك مەسرور بارزانی بە دابینكردنی ئەو بڕە پارەیە، موژدەیەكی خۆشی ڕاگەیاند بۆ سیانەكردن و ئیدامەكردنی سەوزاییەكانی پاركی هەواری شار و بلوارەكانی ناو شاری سلێمانی.
ساسان عەونی وەزیری شارەوانی و گەشتوگوزار دابینكردنی ئەو بڕە پارەیە بە گرنگ و كاریگەر دەزانێت و لەمبارەیەوە دەڵێ،” بە دڵنیایییەوە ئەو بڕە پارەیە كاریگەریەكی راستەوخۆی لەسەر بەردەوامی سەوزاییەكانی ناو شاری سلێمانی و بە تایبەتی پاركی هەواری شار و هەموو بلوارەكانی ناو شاری سلێمانی دەبێت.”
وەزیری شارەوانی و گەشتوگوزار ئاماژە بەوەش دەكات كە دەرخستەی پارەكە لەلایەن وەزارەتی شارەوانی و گەشتوگوزارەوە بە بایەخەوە بۆ سەرۆكایەتیی ئەنجوومەنی وەزیرانی بەرزكراوەتەوە و سەرۆکی حکومەتیش ئەو بابەتەی زۆر بە گرنگ زانیوە و ڕەزامەندی لەسەر دابینكردنی ئەو بڕە پارەیە داوە بۆ خزمەتكردنی ناوچە سەوزاییەكانی شاری سلێمانی.”

بابەتی پەیوەندیدار

Back to top button