عەبدولستار مەجید:
بەیاننامەکانتان ڕاگرن پەروەردە و خوێندن و شکۆ و ژیانی مامۆستاتان هەرەسپێهێنا
لڤین:
عەبدولستار مەجید سەرۆكی فراكسیۆنی كۆمەڵی دادگەری، لە هەژماری فەرمی خۆی لە تۆی کۆمەڵایەتی فەیس بووک، لە ڕاگەیەندراوێکد سەبارەت بە بەیاننامە و پەیام و پیرۆزباییەکانی، بەرپرس و کاربەدەستانی حیزبی و حکومەی لە هەرێمی کوردستان، بۆ یادی پەنجا و نۆ ساڵەی یەكێتی مامۆستایانی كوردستان، ڕایگەیاندووە،” بەیاننامەکانتان ڕاگرن، پەروەردە و خوێندن و شکۆ و ژیانی مامۆستاتان هەرەسپێهێنا.”
لە بەشێکی تری راگەیەندراوەکەدا هاتووە،”شورەییە بۆ دەسەڵاتێک ئاوا سوکایەتی بە مامۆستاکانی بکات و موچەی خۆی و قوتی مناڵەکانی بدزێت، کەچی لە ساڵیادی دامەزراندنی یەکێتی مامۆستایاندا بەیاننامە دەربکات و وشەی بریقەداریان بۆ ڕیز بکات.”
دەقی ڕاگەیەندراوەکە:
بەیاننامەکانتان ڕاگرن
پەروەردە و خوێندن و شکۆ و ژیانی مامۆستاتان هەرەسپێهێنا !
شورەییە بۆ دەسەڵاتێک ئاوا سوکایەتی بە مامۆستاکانی بکات و موچەی خۆی و قوتی مناڵەکانی بدزێت، کەچی لە ساڵیادی دامەزراندنی یەکێتی مامۆستایاندا بەیاننامە دەربکات و وشەی بریقەداریان بۆ ڕیز بکات .
ئێوە دەسەڵاتن حکومەت و داهات و پارە لای ئێوەیە، لەبری بەیاننامە و پیرۆزبایی و قسە ڕیزکردن، ئەگەر بەڕاستی قەناعەتتان بەو دەستەواژ و وشانە هەیە کە لەبەیاننامەکانتاندا ڕیزتان کردووە بۆ مامۆستایان، فەرموون :
ـ کۆتایی بە لێبڕینی موچەکانیان بهێنن
ـ پلەبەرزکردنەوەکانیان کە چەندین ساڵە بەنایاسایی ڕاتانگرتووە، دەستپێبکەنەوە .
ـ لە ساڵی ٢٠١٤ ـەوە دیسان بەناوی پاشەکەوتەوە موچەی مامۆستایان دەبەن بۆ خۆتان، بەقسەی خۆتان ئێستا داهاتتان زیادیکردووە، ئەگەر ڕاستدەکەن لەگەڵ ئەو وشانەی ئەمڕۆ ڕیزتان کردوون، پاشەکەوتی موچەکانیان بدەنەوە .
ـ ساڵی ڕابردوو چەند موچەیەکتان بە تەواوی نەداوە، نە خۆتان دەڵێن چیتان لێکردووە نە مامۆستایانیش دەزانن چارەنوسیان چی لێدێت، وەرن و لەمڕۆژەدا ئەو موچانەیان بۆ بگەڕێننەوە .
ـ سەدان مامۆستا گرێبەست و سەدانی دیکەش وانەبێژ، چی دەستیگرتوون کە ئەو بەڕێزانە نەکەنە هەمیشەیی ؟ نەبوونی داهات یان زۆری دزی و بندیوار ؟!
ـ لەبری داگیرکردنی زەوی و تاڵانکردنی لەلایەن کۆمپانیاکانتانەوە، بۆچی شوقە و یەکەی نیشتەجێبوون بۆ مامۆستایان (بێ بەرامبەر) دروست ناکەن ؟ ئەوان چی لە قسە و دروشم و بەیاننامەی ئێوە بکەن ؟!
لە سایەی سیستمێکی لەبەریەکهەڵوەشاوی حزبیی و عەقڵیەتێکی ئەمنی خەتەرناک، پرۆسەی پەروەردە بەتەواوی داڕوخاوە و شتێک نەماوەتەوە بەناوی خوێندن و پەروەردە و فێربوون .
شکۆ و شەهامەتی مامۆستایان و هەموو چین و توێژەکانی کۆمەڵگەش خراوەتە ژێرپێ !
ئەمە حاڵی مامۆستایان و کەرتی پەروەردەیە کە ئەمڕۆ بەرپرسان و دەستڕۆیشتووانی هەرێم لە ساڵیادی دامەزراندنی یەکێتی مامۆستایاندا کەوتنە بەیاننامە دەرکردن و پیرۆزباییکردن وەک ئەوەی ئاگایان لە واقیعەکە نەبێت و هیچ ڕووی نەدابێت ؟!
Notice: Undefined index: img in /home/new.lvinpress.com/public_html/wp-content/plugins/molongui-authorship/public/views/parts/html-author-box-avatar.php on line 4
Notice: Undefined index: show_social_web in /home/new.lvinpress.com/public_html/wp-content/plugins/molongui-authorship/public/views/parts/html-author-box-socialmedia.php on line 6
Notice: Undefined index: show_social_mail in /home/new.lvinpress.com/public_html/wp-content/plugins/molongui-authorship/public/views/parts/html-author-box-socialmedia.php on line 7
Notice: Undefined index: show_social_phone in /home/new.lvinpress.com/public_html/wp-content/plugins/molongui-authorship/public/views/parts/html-author-box-socialmedia.php on line 8
Notice: Undefined index: type in /home/new.lvinpress.com/public_html/wp-content/plugins/molongui-authorship/public/views/parts/html-author-box-name.php on line 20
Notice: Undefined index: type in /home/new.lvinpress.com/public_html/wp-content/plugins/molongui-authorship/public/views/parts/html-author-box-name.php on line 21
Notice: Undefined index: type in /home/new.lvinpress.com/public_html/wp-content/plugins/molongui-authorship/public/views/parts/html-author-box-name.php on line 22
Notice: Undefined index: name in /home/new.lvinpress.com/public_html/wp-content/plugins/molongui-authorship/public/views/parts/html-author-box-name.php on line 44
Notice: Undefined index: bio in /home/new.lvinpress.com/public_html/wp-content/plugins/molongui-authorship/public/views/parts/html-author-box-bio.php on line 21