سەرۆکی پەرلەمانی عێراق گەیشتە هەولێر

لڤین:

ئەمڕۆ سەرۆکی پەرلەمانی عێراق گەیشتە شاری هەولێر و لەلایەن جێگری سەرۆکی پەرلەمانی کوردستان و پارێزگاری شارەکەوە پێشوازی لێکرا.

محەمەد حەلبوسی سەرۆکی پەرلەمانی عێراق، ئەمڕۆ دووشەممە گەیشتە شاری هەولێر و لەلایەن هێمن هەورامی، جێگری سەرۆکی پەرلەمانی کوردستان و ئومێد خۆشناو، پارێزگاری شارەکەوە لە فرۆکەخانەی  هەولێر پێشوازی لێکرا.

بڕیارە لەگەڵ ژمارەیەک لە بەرپرسانی هەرێم کۆببێتەوە بۆ گفتوگۆکردن لەسەر دۆخی سیاسی و ئابووری و ئەمنیی نێوان عێراق و ھەرێمی کوردستان.

سەردانەکەی حەلبوسی لە کاتێکدایە سەرجەم هیزە سیاسیەکانی عێراق ئامادەکاریان بۆ هەڵبژاردنەکانی مانگی تشرینی یەکەم دەستپێکردووە.

بابەتی پەیوەندیدار

Back to top button