لە ساڵیادی بۆردومانکردنی شاری قەڵادزێدا مەسعود بارزانی پەیامێکی بڵاوکردەوە

لڤین:

ڕۆژی ( شەممە ٢٤ـی نیسانی ٢٠٢١ ) لە چل و حەوتەمین ساڵیادی بۆردومانکردنی شاری قەلادزێدا، مەسعود بارزانی، سەرۆکی پارتی دیموکرات، لە هەژماری فەرمیی خۆی لە تویتەر پەیامێکی بلاوکردەوە.

لەبەشێکی تویتەکەدا هاتووە” تاوانی بۆردومانكردنی قەڵادزێ بەشێك بوو لە دەستپێكردنی سیاسەتی جینۆساید كە لە لایەن ڕژێمی بەعسەوە بۆ پاكتاوكردن و قڕكردنی گەلی كوردستان پلانی بۆ دانرابوو”.

دەقی پەیامەکە:

( چل و حەفت ساڵ بەر لە ئەمڕۆ فڕۆكە جەنگییەكانی ڕژێمی پێشووی عێراق لە بۆردومانی شاری قەڵادزێدا سەدان هاووڵاتی و مامۆستای زانكۆ و قوتابییان شەهید كرد.

تاوانی بۆردومانكردنی قەڵادزێ بەشێك بوو لە دەستپێكردنی سیاسەتی جینۆساید كە لە لایەن ڕژێمی بەعسەوە بۆ پاكتاوكردن و قڕكردنی گەلی كوردستان پلانی بۆ دانرابوو.

هەزاران سڵاو لە گیانی پاكی شەهیدانی قەڵادزێ و شەهیدانی كورد و كوردستان.

بابەتی پەیوەندیدار

Back to top button