حدکا شەهیدبوونی دوو پێشمەرگەی لە ئێران ڕاگەیاند

لڤین:

حيزبی دیموکراتی کوردستانی ئێران، لە ئەنجامی شەڕو پێكدادان لەگەڵ هێزەكانی ئێران دوو پێشمەرگەیان شەهید بووە

دەزگای فەرماندەیی هێزی پێشمەرگەی کوردستانی سەربە حيزبی دیموکراتی کوردستانی ئێران، ئەمڕۆ ( یەک شەممە، ٣٠ ئایاری ٢٠٢١ ) ڕاگەیەندراوێكی بڵاو كردەوە و تێدا هاتووە،”شەوی شەممە لەسەر یەکشەممە، ڕێکەوتی ( ٨ ی جۆزەردانی ١٤٠٠ی هەتاوی ) تیمێک لە پێشمەرگەکانی حیزبی دێموکراتی کوردستانی ئێران لەسەر جادەی ( مەهاباد ـ پیرانشار ) نزیک ئاوایی ( لکبن ) دەکەونە بەر هێرشی بەکرێگیراوانی ڕێژیمی کۆماری ئیسلامی و لە ئاکامدا دوو پێشمەرگە بە ناوەکانی ( هادی شێخە ) خەڵکی ( پەسوێ ) و ( ئەیوب سوڵتانی ) خەڵکی ( ئاوایی خورینج ) سەر بە شارستانی ( پیرانشار ) بەداخەوە شەهید بوون.”

دەقی راگەیەنراوەکەی حدکا :

ڕاگەیەندراوی دەزگای فەرماندەیی هێزی پێشمەرگەی کوردستان
خەڵکی خەباتگێڕ و ئازادیخوازی کوردستان
شەوی شەممە لەسەر یەکشەممە، ڕێکەوتی ٨ی جۆزەردانی ١٤٠٠ی هەتاوی تیمێک لە پێشمەرگەکانی حیزبی دێموکراتی کوردستانی ئێران لەسەر جادەی مەهاباد ـ پیرانشار نزیک ئاوایی لکبن دەکەونە بەر هێرشی بەکرێگیراوانی ڕێژیمی کۆماری ئیسلامی و لە ئاکامدا دوو پێشمەرگە بە ناوەکانی هادی شێخە خەڵکی پەسوێ و ئەیوب سوڵتانی خەڵکی ئاوایی خورینج سەر بە شارستانی پیرانشار بەداخەوە شەهید بوون.
سەرەخۆشی لە هاوسەنگەران و بنەماڵەی بەڕێزیان دەکەین.
ڕێگایان پڕ رێبوار بێ
دەزگای فەرماندەیی هێزی پێشمەرگەی کوردستان
٩ی جۆزەردانی ١٤٠٠ی هەتاوی

 

بابەتی پەیوەندیدار

Back to top button