لقی ١٢ پارتی هۆشداری دەدات لە ئەکاونتێکی فەیسبووک

لڤین:

لقی ١٢ ی پارتی دیموکراتی کوردستان،ئەمڕۆ ( شەممە، ٢٩ی ئایاری ٢٠٢١ ) لە ڕاگەیەندراوێکدا، ئاشکرای کردووە، “ماوه‌یه‌که‌ ئه‌کاونتێک له‌ فیسبووک، به‌ ناوی ( ده‌نگی پارتی له‌ سه‌ید سادق )، خه‌ریکی هۆنینه‌وه‌ی هه‌واڵی ناڕاسته‌ و کار له‌سه‌ر بڵاوکردنه‌وه‌ی ویستی ناوچه‌گه‌ری و تۆمه‌ت هه‌ڵبه‌ستن و ناوزڕاندنی هه‌ڤاڵانی سنووری لقی ١٢ ده‌کات.”

هەروەها ئاماژە بەوەیشکراوە، ” لێره‌وه‌ به‌ سه‌رجه‌م تێکۆشه‌ران و هه‌ڤاڵانی پارتیمان ڕاده‌گه‌یه‌نین، ئه‌و ئه‌کاونته‌ هیچ په‌یوه‌ندییه‌کی به‌ هه‌ڤاڵانی پارتیمان له‌ سه‌یدسادق نییه‌ و له‌ لایه‌ن چه‌ند که‌سێکی خۆفرۆش و به‌رژه‌وه‌ند خوازه‌وه‌ به‌ڕێوه‌ ده‌برێت.”

لە کۆتایدا لقی ١٢ هۆشداری داوە، ڕایگەیاندووە، “خه‌یاڵیان خاوه‌ بتوانن به‌م کاره‌ خۆفرۆشانه‌یان کار له‌ یه‌کڕیزیمان بکه‌ن، سنورێک خاوه‌نی سه‌دان شه‌هیدی قاره‌مان و هه‌زاران پێشمه‌رگه‌ و تێکۆشه‌ر بێت، به‌ ئه‌کاونتێکی سێبه‌ر و به‌ شێوه‌یه‌کی ترسنۆکانه‌، کار له‌ یه‌کڕیزی هه‌ڤاڵانی ناکرێت.”