رێكخراوی لێبوردنی نێودەوڵەتی:

دەستگیركراوانی بادینان مانگرتنیان لە خواردن ڕاگەیاندووە

لڤین:

رێكخراوی لێبوردنی نێودەوڵەتی،راپۆرتێكی لە بارەی پێنج سزادراوەكەی بادینانەوە بڵاوكردووەتەوەو،داوا دەكات پێنج سزادراوەكەی بادینان بەزووترین كات و بەبێ هیچ مەرجێك ئازاد بكرێن، چونكە لەسەر بنەمای تۆمەتی هەڵبەستراو دادگاییكراون، و پێداچوونەوە یاخود هەڵوەشانەوەی ئەو تۆمەتانەی ئاراستەیان كراوە”.

لە ڕاپۆرتەکەدا ئاماژە بەوە کراوە کە،” پێنج رۆژنامەنوسەكەی بادینان بە شێوەیەكی نادادپەروەرانەو لەسەر بنەمای تۆمەتی هەڵبەستراو دادگاییكراون و لەكاتی دەستگیركردنیاندا هێزەكانی ئاساییش هەڵیانكوتاوەتە سەر ماڵ و شوێنی كاركردنی ئەو كەسانە”.

لە بەشێکی تری ڕاپۆرتەکەدا، ڕێکخراوەکە، ئاماژەی بەوە داوە کە،”ئەو زیندانەی كە چالاكوانەكانی بادینانی تێدایە، شوێنی نوستن و راوەستان بەپێوەو رۆیشتنی نەبووە، دەستگیركراوەكان مانگرتنیان لە خواردن راگەیاندووە بەهۆی دۆخی خراپی زیندانەكەیانەوە”.

هەروەها لە ڕاپۆرتەکەدا هاتووە،”گەرەنتیكردنی ئەنجامدانی لێكۆڵینەوەیەكی خێرا لەبارەی ئەشكەنجەدان و مامەڵەی خراپی دەستگیركراوان و لێپیچینەوەی كەمتەرخەمەكان”.

بابەتی پەیوەندیدار

Back to top button