کۆمسیۆنی هەڵبژاردنەکانی عێراق: هەڵبژاردن لە کاتی خۆی ئەنجام دەدرێت
لڤین:
ئەنجومەنی کۆمیسیارانی سەربەخۆی هەڵبژاردنەکان سوورە لەسەر ئەوەی لە وادەی دیاریکراودا هەڵبژاردنەکان بەڕێوەدەچێت و هیچ پاشگەزبونەوەیەکی تێدانییە.
ئەنجومەنی کۆمیسیارانی سەربەخۆی هەڵبژاردنەکان لەراگەیەندراوێکدا بڵاویکردەوە “وادەی هەڵبژاردنەکان 10ی تشرینی یەکەمی ئەمساڵە و هیچ پاشگەزبونەوەیەکی تێدانییە”.
کۆمسیۆنەکە داوای لە هاوپەیمانییە سیاسییەکان، حزبەکان و کاندیدەکان کردووە سود وەربگرن لەوکاتەی ماوە بۆ وەرگرتنی تۆمارکردنی هاوپەیمانییە سیاسییەکان و پێشکەشکردنی لیستی کاندیدەکان دیاری کراوە کە رۆژی شەممەیە.
ئاماژەی بەوەشکردوە، کۆمیسیۆن بەردەوام دەبێت لە هەنگاو و ئامادەکارییەکانی بەگوێرەی کاتەکانی خشتەی کردارەکان کە هیچ گۆڕانکارییەکی بەسەردا نایەت، تا دەگات بە جێبەجێکردنی هەڵبژاردنەکان.
