ئافرەتێکی عومره‌كاری كورد له‌ سعودیه‌ كۆچی دوایی كرد

لڤین:

ئەمڕۆ ئافرەتێکی عومرەکاری کورد بەناوی (سینام ئیسماعیل فه‌تاح) لە سعوودیە کۆچی دوایی کرد.

ئه‌مڕۆ شه‌ممه‌ 19ـی تشرینی دووه‌می 2022، بەڕێوەبەرایەتی گشتی حەج و عومرەى هه‌رێمی کوردستان له‌ راگه‌یه‌ندراوێكدا گوتی: ئەمڕۆ ئافرەتێکی عومرەکاری کورد بەناوی (سینام ئیسماعیل فه‌تاح) تەمەن 68 ساڵ و خەڵکی شارۆچکەی پیرمام له‌ سعوودیه‌ كۆچی دواییكرد. راشیگه‌یاندووه‌، ئه‌و ئافره‌ته‌ ماوەی چەند رۆژێک بوو بە مەبەستی ئەنجامدانی سوونەتی عومرە سەردانی عەرەبستانی سعوودیەی کردبوو.

له‌ راگه‌یه‌ندراوه‌كه‌دا هاتووه‌: دوێنێ ئەو عومرەکارە بە هۆی تووشبوونی بە جەڵتەی دڵ رەوانەی نەخۆشخانەی مەلیک فەیسەڵ کراوە لە شاری مەککەی پیرۆز و هەموو رێککارە تەندروستییەکانی بۆ ئەنجامدراوە، به‌ڵام بەداخەوە ئەمڕۆ کۆچی دوایی کرد.

ئاماژه‌ به‌وه‌شدراوه‌، دوای وەرگرتنی رەزامەندی کەسوکارییان بڕیارە لە حەرەمی پیرۆزی مەککەی نوێژی لەسەر بکرێت و پاشان لە گورستانی مەککە بە خاک بسپێردرێت.

شایەنی باسە “دوێنێ”ش عەمرەکارێکی تری کورد بە ناوی (ئەحمەد عێسا سپینداری) بوو لە سعودیە کۆچی دوایی کرد

بابەتی پەیوەندیدار

زیاتر بخوێنەوە
Close
Back to top button