وەزارەتی کاری عێراق هەشت ملیۆن دینار وەک قەرز دەدات بەو هاوڵاتییانەی بێکارن

وەزارەتی کار و کاروباری کۆمەڵایەتی عێراق ڕایگەیاند، هەشت ملیۆن دینار وەک قەرز دەدات بەو هاوڵاتییانەی بێکارن بۆ ئەوەی هەلی کار بڕەخسێنن لە وڵاتدا و ئەمەش بە قەرزی بچوک ناودەبرێت.

نەجم عیقابی، بەرپرسی راگەیاندنی وەزارەتی کار و کاروباری کۆمەڵایەتی بە میدیا عێراقیەکانی وت، وەزارەتەکەیان بەردەوامە لە پێدانی قەرزی بچوک بەو گەنجانەی کە بێکارن و تا ئێستاش زیاتر لە 50 هەزار کەس لەو پڕۆژەیە سودمەندبوون و هەشت ملیۆنیان وەرگرتووە.

بەرپرسی راگەیاندنی وەزارەتەکە دەشڵیت  ”ئەوانەشی کە پڕۆژەی بەگەڕخستنی کارێکیان هەیە 20 ملیۆنیان پێدەدرێت بەو مەرجەی لە پڕۆژەکەیدا هەلی کار بۆ خەڵکی دیکەش بڕەخسێنێت.”

باسی لەوەشکردووە، دەیان هەزار کەس ناویان بۆ وەرگرتنی ئەو قەرزە تۆمارکردووە، کە هاوڵاتییان دەتوانن بە ماوەی پێنج ساڵ قەرزەکە بدەنەوە بە حکومەت و ئامانجیش لەو پڕۆژەیە کەمکردنەوەی رێژەی بێکاری و هەژارییە لە وڵاتەکەدا.

بابەتی پەیوەندیدار

Back to top button