قەدەغەی هاتووچۆ لە حەسەکە دەستیپێکرد

بە بڕیاری بەڕێوەبەرایەتیی ئیدارەی خۆسەری رۆژئاوای کوردستان لە ئەمڕۆ دووشەممەوە بۆ ماوی حەوت رۆژ قەدەغەی هاتوwچۆ لە حەسەکە راگەیەندرا.

ئۆپەراسیۆنی هاوبەشی هێزەکانی سوریای دیموکرات (هەسەدە) و ئاسایش بۆ دەستگیرکردنی چەکدارانی  داعش دوای هێرشکردنە سەر گرتوخانەی غوێرانی پارێزگای حەسەکە بەردەوامە، هێزەکانی ئاسایش ڕایانگەیاند کە هەڵمەتێکی گەڕان و پشکنین دەست پێدەکەن.

خۆبەڕێوەبەریی باکوور و ڕۆژهەڵاتی سوریا لە بەیاننامەیەکدا ڕایگەیاند، بۆ پاراستنی ئاسایشی هەرێم قەدەغەی گشتی بەسەر کانتۆنی حەسەکە و بەشێک لە ناوچەکانی دیکەی ئەو بەڕێوەبەرایەتییەدا دەسەپێنێت.

دەستەکە دەڵێت: دەوڵەتی تورک شکستی هێنا لە بەدیهێنانی ئامانجەکانی لە تێکشکاندنی ئاسایش و سەقامگیریی ئیدارەی خۆبەڕێوەبەری باکوور و رۆژهەڵاتی سوریا، بۆیە جارێکی تر ڕووی لە داعش کرد بۆ ئەوەی ئامانجە چەپەڵەکانی خۆی لە تێکشکاندنی ئیدارەی خۆبەڕێوەبەری و دەستکەوتەکانی بەدەست بهێنێت.

باسی لەوەشکردووە “ئێمە وەک دەستەی ناوخۆی ئیدارەی خۆبەڕێوەبەریی باکوور و ڕۆژهەڵاتی سوریا تا هەفتەیەک قەدەغەی تەواوی هاتووچۆی ناوخۆیی و دەرەکی بۆ سەر شاری حەسەکە ڕادەگەیەنین قەدەغەکردنەکە لە ٢٤ی کانوونی دووەمەوە تا ٣١ی کانوونی دووەم دەستپێدەکات قەدەغەکردنەکە گشتیە، تەنها دامەزراوە خزمەتگوزارییەکانی وەک نانەواخانە، ئاش، بنکەی تەندروستی، سووتەمەنی و شارەوانییەکان، کە سروشتیان جیاوازە، کار دەکەن”.

بابەتی پەیوەندیدار

Back to top button