تورکیا و گروپە چەکدارەکانی ئامادەن بۆ هێرشکردنە سەر کۆبانێ  و تل رەفعەت

 لڤین:

سوپای تورکیا و گروپە چەکدارەکانی هاوکاری ئامادەکاریان بۆ هێرشکردنە سەر رۆژئاوای کوردستان تەواو کردووە و ئامادەن بۆ هێرشکردنە سەر ناوچەکانی ئیدارەی خۆسەری رۆژئاوای کوردستان.

پێگەی ئەل مۆنیتۆر راپۆرتێکی لەبارەی ئامادەکاری تورکیا و گروپەچەکدارەکانی هاوکاری بڵاوکردەوە و ڕایگەیاند، چەند سەرکردەیەکی گروپەکانی سەر بە تورکیا کۆبونەوەیان لەگەڵ سوپای تورکیا ئەنجامداوە و بە بەشداری 35 هەزار چەکداری گروپە سوریەکانی سەر بە تورکیا پیلانی هێرشکردنە سەر خۆبەڕێوەبەری باکور و ڕۆژهەڵاتی سوریا دانراوە.

پێگەکە ئاماژەی بەوە کردووە کە تورکیا پێش ئۆپەراسیۆنەکە لە نزیکەوە چاودێری جموجوڵی ناوچە بە ئامانجگیراوەکان دەکات، و ئەو دەڵێت جموجوڵی گەریلاکانی پەکەکە و گروپەکانی نزیک لێی خراونەتە ژێر چاودێریەوە.

پێگەکە لە زاری یەکێک لە فەرماندەی گروپەکانی سەر بەتورکیاوە دەڵێت، کۆبوونەوەی چڕوپڕ لەگەڵ بەرپرسانی سوپای تورکیا بە شێوەیەکی بەردەوام بەڕێوە دەچێت بۆ ئامادەکاری بۆ شەڕ دژی هێزەکانی سوریای دیموکرات لەگەڵ ئەوەشدا ئەو دیدارانە لە ئەنقەرەی پایتەختی تورکیا یان لە ناو خاکی تورکیا و ناوچەکانی ژێر دەستی گروپەکانی ئەوان ئەنجامدراوە.

عەبدولسەلام عەبدولڕەزاق، فەرماندەی گروپێکی چەکداری سەر بە تورکیایە و ئەل مۆنیتۆری وتووە، ناوچەکانی تل ڕەفعەت و کۆبانێ ئامانجێکی ستراتیژییە ئەوان.

 

بابەتی پەیوەندیدار

زیاتر بخوێنەوە
Close
Back to top button