لە رووداوێکی هاتووچۆدا سێ برا گیانیان لەدەستدا
لڤین:
بەڕێوەبەرایەتی گشتی تەندروستی سلێمانی رایگەیاند، لەسەر ڕێگای پیرەمەگرون-سلێمانی نزیک بەندینخانەی سوسێ شەش کەس کە سەرنشینی یەک ئۆتۆمبێل بون توشی روداوی هاتوقچۆ بقون و سێ کەسیان لەروداوەکەدا گیانایان لەدەستداوە.
سامان نادر، بەڕێوبەری سەنتەری خێرای سلێمانی 122 رایگەیاند، لەسەر ڕێگای پیرەمەگرون سلێمانی نزیک بەندینخانەی سوسێ شەش کەس کە سەرنشینی یەک ئۆتۆمبێل بوون و گەشتیاری عەرەب بوون و لەچوار برا و دایک و باوکێک پێکهاتبوون تووشی رووداوێکی هاتووچۆ بوون، لە ئەنجامدا سێ کەسیان مردوون و یەکێکیان باری تەندروستی ناجێگیرە.
ئاماژەی بەوەشکرد، دوای وەرگرتنی زانیاری “تیمەکانمان گەیشتونەتە شوێنی ڕووداوەکە و لە ئێستادا لە نەخۆشخانەی پیرەمەگرونن لە هەوڵی گواستنەوەی برینداران و قوربانیانی ڕووداوەکەن بۆ پزیشکی دادی سلێمانی و نەخۆشخانەی شار لە سلێمانی”.
