پۆلیسی کەربەلا: تۆمەتبارێکمان لەهەولێر دەستگیرکرد
لڤین:
بەڕێوەبەرایەتی پۆلیسی كەربەلا ئاشكرای كرد، دوای ئەوەی چەندین كاری دزی ئەنجامداوە، تۆمەتبارێك هەڵاتبوو بۆشاری هەولێر و هەر لەوێش دەستگیر كراوە.
پۆلیسی كەربەلا بڵاویكردەوە، دوای ئەوە كەسێك چەندین ماڵی لە قەزای هندیە بڕیبوو، لە رێگەی كامێراكانی چاودێری و كۆكردنەوەی زانیاری و هەماهەنگی لەگەڵ دەزگا ئەمنییەكان، توانرا دزەكە ئاشكرا بكرێت.
پۆلیسی کەربەلا ئەوەشی ئاشکرا کردووە زانرا كەسەكە هەڵاتووە بۆ هەرێمی كوردستان و چووەتە شاری هەولێر، دواتر تیمی كار چوونەتە هەرێم و دوای چاودێرییەكی چڕ بۆسەیەك بۆ تۆمەتبارەكە دانراوە و دەستگیر كراوە.
پۆلیسی كەربەلا ئاماژەی بەوەشداوە، تۆمەتبارەكە 11 هەزار و 400 دۆلار و دوو ملیۆن دیناری عێراقی و چەندین پارچە خشڵ و زێڕی دزیوە.
