حکومەتی هەرێم بڕیاری خەرجکردنی پارەی بۆ نەخۆشخانەکانی شێرپەنجە دەرکرد

لڤین:

حکومەتی هەرێمی کوردستان بڕیاریدا مانگانە ملیارێک و 600 ملیۆن دینار، بۆ نەخۆشخانەکانی تایبەت بە چارەسەرکردنی تووشبووانی شێرپەنجە لە هەرێمی کوردستان خەرج بکات.

ئەمڕۆ یەکشەممە 20 ی حوزەیرانی 2021 نوسراوێک بە واژۆی ئومێد سەباح، سەرۆکی دیوانی ئەنجومەنی وەزیران دەرچووە و ئاراستەی وەزارەتی دارایی و ئابووری کراوە، تیایدا وردەکاری رەزامەندی خەرجکردنی بڕی ملیارێک و 600 ملیۆن دیناری بۆ نەخۆشخانەکانی شێرپەنجە دەرکردووە.

بەگوێرەی نوسراوەکە پارەکە بۆ نەخۆشخانەکانی  (نانەکەلی  له‌ هه‌ولێر، هیوا له‌ سلێمانی، ئازادی له‌ دهۆک) دەبێت و بۆ کڕینی دەرمان و دابینکردنی ئامێر و تاقیگە و پێداویستییە پزییشکییەکانی ترە.

ئەوەش دوای ئەوەهات کە لە تۆڕە کۆمەڵایەتیەکان هەڵمەتێکی پشتیوانی بۆ نەخۆشخانەی هیوا راگەیەندرا کە تیایدا مەترسی داخستنی ەنخۆشخانەکە خرابووە روو.

بابەتی پەیوەندیدار

Back to top button