بەهۆی دابەزینی چەند کەسێک بۆ شەڕ کردن ڕووداوێکی هاتووچۆ ڕوویدا و شۆفێرێک گیانی لەدەستدا

لڤین:

لە ڕاگەیەندراوێکدا له‌ هه‌ژماری تایبه‌تی خۆی له‌تۆڕی كۆمه‌ڵایه‌تی فه‌یسبوك فازڵ حاجی وته‌بێژی هاتوچۆی هه‌ولێر،  نوسیویه‌تی، له‌كاتژمێر ده‌روبه‌ری ٦:00ی ئێواره‌ی ئه‌مڕۆ دوشه‌ممه‌، كێشه‌یه‌كی كۆمه‌ڵایه‌تی به‌هۆی موڵكداری له‌نێوان دو بنه‌ماڵه‌ دروستده‌بێت، به‌هۆی كێشه‌كه‌وه‌، چه‌ند كه‌سێك له‌یه‌كێك له‌ بنه‌ماڵه‌كان به‌چه‌كه‌وه‌ به‌ئۆتۆمبێلێكی جۆری نیسان سه‌نی له‌ ئۆتۆمبێله‌كه‌یان داده‌به‌زن و ئۆتۆمبێله‌كه‌یان له‌ناوه‌ندی رێگایه‌كی خێرا به‌جێده‌هێڵن، به‌ره‌و شوێنێكی ته‌نیشتی رێگاكه‌ بۆ شه‌ڕكردن ده‌ڕۆن.

لە بەشێکی تری نوسینەکەی وته‌بێژی هاتوچۆی هه‌ولێردا هاتووە له‌و كاته‌شدا ئۆتۆمبێلێكی بارهه‌ڵگر “ترێله‌” به‌خێرایی دێت و شوفێره‌كه‌ی پێشبینی ئه‌وه‌ ناكات كه‌ ئه‌و ئۆتۆمبێله‌ی پێشه‌وه‌ی له‌ناوه‌ندی ڕێگا وه‌ستابێت، له‌هه‌مانكات ده‌نگی ته‌قه‌ش دێت.

هەروەها ڕایگەیاندووە شۆفێری ئۆتۆمبێله‌ بارهه‌ڵگره‌كه‌ به‌خێراییه‌كی زۆره‌وه‌ خۆی ده‌كێشێت به‌دواوه‌ی نیسان سه‌نیه‌كه‌دا و دواتریش كۆنتڕۆڵ له‌ده‌ستده‌دات و وه‌رده‌گه‌ڕێت، شوفێره‌كه‌ی له‌گه‌ڵ وه‌رگه‌ڕانی “تڕێله‌كه‌” به‌رده‌بێته‌وه‌ و ده‌كه‌وێته‌ ژێر ئۆتۆمبێله‌كه‌ی، به‌داخه‌وه‌ راسته‌وخۆ سه‌ری له‌لاشه‌ی جیاده‌بێته‌وه‌.

سەبارەت بە تاوانباری ڕووداوەکە وتەبێژەکە نوسیویەتی شۆفێری نیسان سه‌نی به‌خه‌تاباری سه‌ره‌كی روداوه‌كه‌ دانرا.

 

بابەتی پەیوەندیدار

Back to top button