نەتەوە یەکگرتووەکان لەبارەی کەمپی هۆڵ داوایەک لە عێراق دەکات
لڤین:
نێردەی نەتەوە یەکگرتووەکان لە عێراق داوا لە عێراق دەکات، دۆسیەی هاوڵاتییەکانی کە کەمپی ھۆڵ لە رۆژهەڵآتی سوریا یەکلابکاتەوە.
جینین بلاسخارت، لە کۆبوونەوەی لەگەڵ قاسم عەرەجی، ڕاوێژکاری ئاسایشی نیشتیمانی عێراق، داوای لە بەغداد کردووە، دۆسیەی منداڵ و خێزانە عێراقییەکان لە کەمپی ھۆڵ و گەڕانەوەی ئاوارەکانی شەنگاڵ یەکلا بکاتەوە.
ئەوەش لە کاتێکدایە کە هێزەکانی سوریای دیموکراتی داوای بەردەوام دەکات بۆ گەڕاندنەوەی کەسوکاری ئەو چەکدارانەی داعش لە کەمپەکەوە بۆ وڵاتەکانی خۆیان.
