تەندروستی سلێمانی 15 ڕێنمایی بۆ خۆپارێزی بڵاو دەکاتەوە

لڤین:

بەڕێوەبەرایەتی تەندروستی سلێمانی 15 ڕێنمایی بۆ خۆپاراستن لەڤایرۆسی كۆرۆنا بڵاو دەکاتەوە.

ڕێنماییەکانی خۆپاراستن لەڤایرۆسی كۆرۆنا:

1 – بەستنی دەمامك بەتایبەت لەكاتی چوونە دەرەوە و شوێنە قەرەباڵغەكان.

2 –  شووشتنی دەستەكان بە ئاو و سابون بەشێوەیەكی بەردەوام بەلایەنی كەمەوە لە 20 چركە كەمتر نەبێت.

3 – پاكژكردنەوەی دەستەكان بەجێلی كهولی كە ڕێژەی كهولەكەی لە 60% كەمتر نەبێت.

4 – دووركەوتنەوە لەتەوقەكردن لەگەڵ كەسی بەرامبەر.

5 – دووركەوتنەوە لەدەست لێدانی دەم و لووت وچاو.

6- دووركەوتنەوە لەئاژەڵی كێوی و بەشێوەی ڕاستەوخۆ دەستی لێ نەدرێت.

7- دووركەوتنەوە لەبەشداری كردن لەچالاكیە كۆمەڵایەتیەكان وەك ئاهەنگ و كۆڕ و كۆبونەوە و مەراسیمەكان.

8- بەكارهێنانی كلێنیكس لەكاتی كۆكە و پژمین و دواتر فرێدانی بۆ ناو سەبەتەی خۆڵی سەرداپۆشراو.

9- دووركەوتنەوە لە قەرەباڵغی و مانەوە لەماڵەوە بەپێی توانا.

10- خۆبەدوورگرتن لە تووشبووان یان ئەو كەسانەی نیشانەی تووشبوونیان تێدا دەركەوتووە.

11- دووركەوتنەوە لەترس و شڵەژان چونكە دەبێتە هۆی كەمبوونەوەی بەرگری لەش.

12- ڕاگرتنی گەشتكردن بۆ وڵات و ناوچانەی كۆرۆنای تێدا بڵاوبۆتەوە.

13- بەردەوام هەوا گۆڕكێ لەماڵ و شوێنی نیشتەجێ بووندا بكرێت.

14-  بەبێ بەكارهێنانی كەلوپەلی خۆپاراستن هەڵسوكەوت لەگەڵ ئاژەڵ و باڵندەی  كێوی و ماڵی مەكە.

15- لەكاتی نەخۆشیدا سەردانی نزیكترین دامەزراوەی تەندروستی بكە بۆ وەرگرتنی چارەسەر و ڕێنمایی.

ڕاگەیاندنی تەندروستی سلێمانی

بابەتی پەیوەندیدار

Back to top button