مەسعود بارزانی لە بارەی بڕیارەکەی دادگای فیدڕاڵی پەیامێکی بڵاوکردەوە
لڤین:
له‌باره‌ی بڕیاری ئه‌مڕۆی دادگای فیدراڵی عێراق له‌باره‌ی نه‌وت و گازی هه‌رێمی كوردستان، سەرۆکی پارتی پەیامێکی بڵاوکردەوە.
مەسعود بارزانی سەرۆکی پارتی دیموکراتی کوردستان دەڵێت،بڕیاری دادگەی باڵای فیدڕاڵیی عێراق لەبارەی نەوت و گازی هەرێمی كوردستان بڕیارێكی تەواو سیاسییە و پێچەوانەی دەستووری عێراقی فیدڕاڵە و، ئامانج لێی دژایەتیكردنی هەرێمی كوردستانە و دژی سیستەمی فیدڕاڵیی عێراقە.
بارزانی وتوشیەتی: هیواخوازین هەردوو حكومەتی عێراقی و حكومەتی هەرێمی كوردستان بتوانن لەسەر گرفتەكان و بابەتی نەوت و گاز بگەنە رێككەوتن.
ده‌قی په‌یامه‌كه:
بەناوی خودای بەخشندە و میهرەبان
بڕیاری دادگەی باڵای فیدڕاڵیی عێراق لەبارەی نەوت و گازی هەرێمی كوردستان بڕیارێكی تەواو سیاسییە و پێچەوانەی دەستووری عێراقی فیدڕاڵە و، ئامانج لێی دژایەتیكردنی هەرێمی كوردستانە و دژی سیستەمی فیدڕاڵیی عێراقە.
ئێمە هیواخوازین هەردوو حكوومەتی عێراقی و حكوومەتی هەرێمی كوردستان بتوانن لەسەر گرفتەكان و بابەتی نەوت و گاز بگەنە ڕێككەوتن. لەگەڵ ئەوەشدا بۆ هەموو لایەك ئاشكرا دەكەین كە هەرێمی كوردستان بە هەموو توانایەكییەوە بەرگری لە مافە دەستوورییەكانی خۆی دەكات.
مسعود بارزانی
15ی شوباتی 2022
