میدیای رەسمی یەكێتی: تەزویر نازناوی مەکرو نازی پارتییە

لڤین:

میدیای رەسمی یەكێتی،لە وەڵامی عارف تەیفور، سەرۆكی ئەنجومەنی سەركردایەتی پارتی لە سلێمانی-هەڵەبجە، ئەسڵەن تەزویر نازناوی مەکرو نازی پارتییەو ھەر ئەوانی پێناسراونەتەوە.

میدیای رەسمی یەكێتی، پاشنیوەڕۆی ئەمڕۆ (هەینی، ٢٤ی ئەیلوولی ٢٠٢١ ) وەڵامی قسەكانی عارف تەیفور، سەرۆكی ئەنجومەنی سەركردایەتی پارتی لە سلێمانی-هەڵەبجە، داوەتەوە كە وتبوی”پێشبینی دەکەین یەکێتی ساختەکاری بکات لە ھەڵبژاردن”.

لە ڕاگەیەندراوەکەی میدیای رەسمی یەكێتی هاتوە، ئەم قسەیەی ئەم سەرکردەیەی پارتی بۆ دوو مەبەستە:

یەکەم: بۆ پاکانەی تەزویریانە لە زۆنی زەرد.

دوەم: بۆ شاردنەوەی شکستی حەتمیانە لە سلێمانی و گەرمیان و کەرکوک.

هەروەها هاتوە،”عەرەب بەمە دەڵێن (چربنی وبكی سبقنی واشتكی.) خەواجە و ئەفەندییەکانیش پێی دەڵێن شەڕی پێشوەختە. کوردەواری خۆشمان پێی دەڵێن: دەستەچەورەکەی بەسەری خەڵك دەسڕێت”.

میدیای رەسمی یەكێتی وتوشیەتی”ئەسڵەن تەزویر نازناوی مەکرو نازی پارتییەو ھەر ئەوانی پێناسراونەتەوە”.

جێگەی ئاماژە پێدانە لە چەند ڕۆژی ڕابردوو عارف تەیفور، سەرۆكی ئەنجومەنی سەركردایەتی پارتی لە سلێمانی-هەڵەبجە، رایگەیاندبو، پێشبینی دەكەن یەكێتی لەم هەڵبژاردنەدا ساختەكاری بكات.

بابەتی پەیوەندیدار

Back to top button