پیاوێک دوای تەقەکردن لە هاوسەرەکەی خۆی دەکوژێت
لڤین:
لە گەڕەکێکى شارى سلێمانى ژن و مێردێک دەبێتە شەڕیان و دواتر پیاوەکە گولـلەیەک دەنێت بەژنەکەیەوە و بریندارى دەکات و خۆشى دەکوژێت.
سەنتەرى فریاکەوتنى سلێمانى رایگەیاند: بەیانى ئەمڕۆ دوو شەممە، لە گەڕەکى کازیوەى شارى سلێمانى، بەهۆى دروستبونى شەڕ و دەمەقاڵێ لە نێوان ژن و مێردێک، پیاوەکە گولـلەیەک دەنێت بەژنەکەیەوە و بریندارى دەکات.
بە گوێرەی زانیاریەکان، ژنەکە بە بریندارى دەگەیەنرێتە نەخۆشخانە، پیاوەکەش لەکاتى بریندارکردنى ژنەکەى دوو گولـلە لەخۆى دەدات و گیان لەدەستدەدات.
