بەمه‌رج ڕێگە بە گەشتیارانی هەرێمی کوردستان دەدرێت گەشتی ئێران بکەن

لڤین:

سەرپەرشتیاری دەروازەی نێودەوڵەتی حاجی ئۆمەران، كۆماری ئیسلامی ئێران ژماره‌یه‌ك مه‌رجی نوێ بۆ ئه‌و گه‌شتیارانه‌ی هه‌رێمی كوردستان دیاری کرد، كه‌ ده‌یانه‌وێت سه‌ردانی ئه‌و وڵاته‌ بكه‌ن.

مەسعود باتێلی، سەرپەرشتیاری دەروازەی نێودەوڵەتی حاجی ئۆمەران بە میدیاکانی راگەیاندوە، ئێران بڕیاریداوە بەو مەرجانە رێگە بە گەشتیارانی هەرێمی کوردستان بدات:

1ـ گەشتیار دەبێت ڤیزای ئێرانی وەرگرتبێت.

2ـ کارت یان ڤیزاکارتی وەرگرتنی هەردوو ژەمی ڤاکسینی لەلابێت.

3ـ گەشتیار دەبێت پشکنینی کۆرۆنا (نێگەتیڤ)ی لەلا بێت.

لە بەشێکی تری لێدوانەکەیدا ئاماژەی بەوەیش کردوە،” هه‌ر گه‌شتیارێك ئه‌و مه‌رجانه‌ی تێدا نه‌بێت، رێگەی پێ نادرێت سەردانی كۆماری ئیسلامی ئێران بکات”.

لە کۆتایی لێدوانەکەیدا سەرپەرشتیاری کۆمەڵگای نێودەوڵەتی حاجی ئۆمەران داوای لەهاووڵاتیانی هەرێمی کوردستان کرد، بەبێ رەچاوکردنی ئەو مەرجانە سەردانی حاجی ئۆمەران نەکەن، چونکە ئێران رێگەی پەڕینەوە لەسنوور پێیان نادات.