ئومێد خۆشناو: ئەو کەسانەی بەشداری کۆنگرەکەی هەولێریان کرد لە هەولێر نین

لڤین:

پارێزگاری هەولێر رایگەیاند، دەستگیرکردنی بەشداربووانی کۆنگرەکەی هەولێر پەیوەندی بە ئەوانەوە نییە و ئەو کەسانە لە شارەکە نەماون.

ئومێد خۆشناو ئەمڕۆ لە کۆنفرانسێکی رۆژنامەوانیدا لەبارەی بەشداربوانی کۆنگرەی ئاشتی و پێکەوە ژیان کە رۆژی هەینی رابردوو لە هەولێر ئەنجامدرا وتی: حکومەتی عێراق بڕیاری دەستگیرکردنی بۆ بەشێک لەو کەسانە دەرکردووە کە بەشداریی کۆبوونەوەکەیان کردووە، ئێستا لێرەنین و لە شارەکانی عێراقن، بۆیە حکومەتی عێراق دەتوانێت خۆی لێکۆڵینەوەیان لەگەڵدا بکات.

پارێزگاری هەولێر وتیشی: ئەو پرسە بە هیچ شێوەیەک پەیوەندی بە پارێزگای هەولێر و وەزارەتی ناوخۆ نییە و پێشتریش ئەو کەسانە داوای مۆڵەتیان کردبوو، بەڵام مۆڵەتەکەیان ڕەتکراوەتەوە.

لەو کۆنگرەیە کە رۆژی هەینی لە شاری هەولێر ئەنجامدرا تیایدا داواکرابوو کە پەیوەندییەکانی نێوان عێراق و ئیسرائیل ئاسایی بکرێتەوە، ئەوەش کاردانەوەی ناوخۆیی و هەرێمی لێکەوتەوە و حکومەتی هەرێم و وەزارەتی ناوخۆو سەرۆکایەتی هەرێم بێ ئاگایی خۆیان لەو کۆنگرەیە راگەیاند.

بابەتی پەیوەندیدار

Back to top button