بەرپرسێكی داعش دەستگیرکرا كەبەنیازی كردەوەی تیرۆریستی بوە لەهەولێر

لڤین:

شانەی راگەیاندنی ئەمنیی عێراق،داواکراوی یەکەمی دەزگا ئەمنییەکانی هەرێمی کوردستانمان دەستگیركردوە،كە بەرپرسی ئەمنیی ویلایەتی باکووری عێراقی داعشە.

لە راگەیەندراوێکدا ئەمڕۆ ( شەممە،١١ی ئەیلووی ٢٠٢١ )ئاژانسی هەواڵگریی عێراق بڵاویکردەوە،” ئەبوو ئیبراهیم دابق، بەرپرسی ئەمنیی داعشیان لە ویلایەتی باکووری عێراق دەستگیرکردووە، کە پلانی هەبووە بۆ ئەنجامدانی تەقینەوە و کوشتن لە هەرێمی کوردستان و بەرپرسی پێکهێنانی مەفرەزە تیرۆریستییەکانیش بووە”.

ئاماژەی بەوەشکردووە، “ناوبراو یەکەم داواکراو بووە لە هەرێمی کوردستان و سەرپەرشتی چەندین پیلانی تەقینەوە و تیرۆرکردنی لە هەرێمی کوردستان و ناوچە سنورییەکان کردووە”.

شانەکە لە ڕاگەیندراوەکەدا ئەوەشی خستووەتەڕوو، “پرۆسەی دەستگیرکردنەکە دوای زیاتر لە مانگ و نیوێک لە هەوڵی مەیدانی و بەدواداچوون لە پارێزگاکانی کەرکوک، نەینەوا، بەغدا و ئەنبار ئەنجامدراوە”.

لە کۆتایی ڕاگەیەندراوەکەدا هاتوە،” ئەبو ئیبراهیم هاوسەری یەکێکە لەو ئافرەتە داعشانەی کە لەماوەی ڕابردوودا دەستگیرکراوە و چەکی بێدەنگ و تەقەمەنی بردووەتە پارێزگای هەولێر و هەروەها هاوکاربووە لە پارەدارکردنی گروپە تیرۆرستییەکان”.

بابەتی پەیوەندیدار

Back to top button