دوو گەنج لە ئاوی دووکاندا خنکان
لڤین:
دوا نیوەڕۆی ئەمڕۆ دوو کەس کەوتوونەتە ناو ئاوی دووکانەوە و خنکاون، تا ئێستاش تەرمی یەکێکیان نەدۆزراوەتەوە تیمەکانی فراکەوتن بەدوای تەرمەکەدا دەگەڕێن.
بەگوێرەی زانیارییەکان ڕووداوەکە لە خوار بەنداوی دووکانەوە بووە ئەو دوو کەسە کەوتوونەتە ناو ئاوەکەوە، تەرمی یەکێکیان دەرهێنراوەتەوە و تەرمی ئەوی دیکەیان تا ئێستا نەدۆزراوەتەوە.
ئەو دوو کەسە هەردوکیان گەنجن لە گەڕەکی ڕاپەڕینی شاری سلێمانی دادەنیشن و خەڵکی خاانەقینن و خوێندکاری زانکۆبوون. لە ئێستادا تیمەکانی فریاکەوتن سەرقاڵی گەڕانن بە شوێن ئەو تەرمەی نەدۆزراوەتەوە.
