وەزیرانی دەرەوەی ئێران و سعوودیە لە بەغدا کۆدەبنەوە
لڤین:
بەگوێرەی هەواڵی میدیا ئێرانیەکان، لە داهاتوویەکی نزیکدا حوسێن ئەمیر عەبدوڵڵاهیان وەزیری دەرەوەی کۆماری ئیسلامی ئێران و فەیسەڵ بن فەرحان وەزیری دەرەوەی سعوودیە لە بەغدای پایتەختی عێراق کۆدەبنەوە.
ئەندامێکی لێژنەی ئاسایشی نیشتمانی و پەیوەندییەکانی دەرەوەی پەرلەمانی ئێران بە ئاماژە بەوەی کە ڕێکەوتنی سەرەتایی لە نێوان تاران و ڕیاز کراوە، وتی کە ئەو کۆبوونەوە لە داهاتوویەکی نزیکدا دەکرێت.
کەریمی قدوسی وتی کە لەو کۆبوونەوەدا سەبارەت بە پرسە پەیوەندیدارەکان، کردنەوەی باڵیۆزخانەکان و هەروەها چەندین پرسی دیکەی وەک یەمەن وتووێژ دەکرێت.
