فراکسیۆنی کۆمەڵ لەسەر قسەکانی جەلال پەرێشان ھاتە دەنگ
لڤین:
فراکسیۆنی کۆمەڵ لەسەر قسەکانیپەرلەمانتارەکەی پارتی ھاتە وەڵام و دەڵێت، بە توندی سەرکۆنەی بێڕێزی و هەڵس و کەوتی نەشیاوو وتەی ناشایستەی پەرلەمانتارێکی فراکسیۆنی پارتی دەکەین.
فراکسیۆنی کۆمەڵ دەشڵێت: بە توندی سەرکۆنەی بێڕێزی و هەڵس و کەوتی نەشیاوو وتەی ناشایستەی پەرلەمانتارێکی فراکسیۆنی پارتی دەکەین کە لە کۆبوونەوەی ڕۆژی ٢٦ی ١٠ی ٢٠٢١ بەرانبەر پەرلەمانتارێک نواندی.
ئاماژەی بەوەشکردووە: پێمانوایە ئەمجۆرە دەربڕین و قسە بازاڕییانە لەگەڵ ئاداب و هەڵس و کەوتی پەرلەمانتار نەگونجاون، هەروەها بە بێڕێزیی دەزانین بەرانبەر بە پەرلەمان وەک دامەزراوەیەکی باڵای کوردستان.
لە راگەیەندراوەکەدا کۆمەڵی دادگەری دەشڵێت: بە ئەرکی دەستەی سەرۆکایەتی پەرلەمانی دەزانین بە پێی دەسەڵاتەکانی خۆی لێپێچینەوەی جیدی بکات و شکۆو ڕێزی پەرلەمان بپارێزێت.
