سوپای ئیسرائیل ژمارەی سەربازە کوژراوەکانی ئاشکرا کرد
لڤین:
سوپای ئیسرائیل بڵاوی كردەوە، ژمارەی سەربازە كوژراوەكانی وڵاتەكەی لە ٧ـی تشرینی یەكەمی ساڵی ڕابردووەوە تا ئێستا گەیشتووەتە ٥٦٢ سەرباز.
سوپای ئیسرائیل لە بارەی ژمارەی سەربازە كوژراوەكانی لە شەڕی ڕووبەڕووبوونەوەی حەماسدا لە غەزە ڕاگەیاندراوێكی بڵاوكردەوە.
لە ڕاگەیاندراوەكەدا هاتووە، ژمارەی سەربازە كوژراوەكانی وڵاتەكەمان لە ٧ی تشرینی یەكەمی ساڵی ڕابردووەوە تا ئێستا گەیشتووەتە ٥٦٢ سەرباز، هەروەها دوو هەزار ٨١٥ سەربازیش بریندار بوون، كە برینی هەزار و ٦٥٨ كەسیان سووك بووە، برینی ٧٢٨ كەسیش مامناوەند بووە و برینی ٤٢٩ سەربازیشیان سەخت بووە.
ئاماژە بەوەش كراوە، لە دوای دەستیێكردنی هێرشی زەمینیەوە ١٦٨ سەربازی وڵاتەكەیان لە كەرتی غەزە كوژراون.
