حکومەتی هەرێم بودجە بۆ شارەوانی سلێمانی خەرج دەکات

لڤین:

فەرمانگەی میدیا و زانیاری حكومەتی هەرێمی كوردستان، لە ڕاگەیەندراوێکدا بڵاویكردەوە،” لەسەر ڕاسپاردەی مەسرور بارزانی، سەرۆکی حکومەتی هەرێمی کوردستان بڕی (٥,٨٣٦,٤٤٠,٠٠٠) پێنج ملیار و هەشت سەدو سی و شەش ملیۆن و چوارسەدو چل هەزار دینار بۆ ماوەی یەک ساڵ لە ڕێکەوتی ( ٢٠٢١/١/١ ) تاوەکو ( ٢٠٢١/١٢/٣١ ) بۆ وەزارەتی شارەوانی و گەشتو گوزار/ سەرۆکایەتی شارەوانی سلێمانی خەرج کرا.”

ئاماژە بەوەیش دراوە کە،” ئامانج لە خەرجکردنی ئەو بڕە پارەیە بۆ کۆکردنەوە و گواستنەوەی خۆڵ و خاشاکە لە زۆنی (١)ی سنووری ڕۆژهەڵاتی سلێمانی و زۆنی (٤)ی سنووری باشووری شاری سلێمانی، ئەو بڕە پارەیەش لەسەر بودجەی سەرۆکایەتی شارەوانی سلێمانی خەرج دەکرێت.”

 

بابەتی پەیوەندیدار

Back to top button