لەباكور و رۆژهەڵاتی سوریا

لە مانگی رابردوو 225 بازرگان و بڵاوكراوەی مادەی هۆشبەر دەستگیركراون

لڤین:

هێزەكانی ئاسایشی ناوخۆی باكور و رۆژهەڵاتی سوریا رایگەیاند، لە ماوەی مانگی رابردوودا 225 بازرگان و بڵاوكەری مادەی هوشبەریان دەستگیركردووە و 143 دۆسیەی مادەی هوشبەر كراونەتەوە.

عەلی ئەلحەسەن وتەبێژی هێزەكانی ئاسایشی ناوخۆی باكوری و رۆژهەڵاتی سوریا لە كۆنگرەیەكی رۆژنامەوانیدا ئاماری چالاكیەكانی خۆی لە مانگی رابردوو بڵاو كردەوە و رایگەیاند: تیمەكانی ئەندازیاری مین، 23 مینیان پووچەڵكردەوە. لە هەموو هەرێمەكە 25 تەقینەوە روویاندا و لە ئەنجامدا 12 كەسی مەدەنی شەهید بوون و 21 كەسی مەدەنیش بریندار بوون.

ئەوەشی روونكردەوە لەو ماوەیەدا بە هاوكاری هاوپەیمانی نێودەوڵەتی هێزەكانیان حەوت ئۆپراسیۆنیان دژی گروپە توندڕەوەكان ئەنجامداوە و13 تاوانی كوشتن ئاشكرا كراون.

وتەبێژی هێزەكانی ئاسایشی باكور و رۆژهەڵاتی سوریا راشیگەیاند: لەو ماوەیەدا 225 بازرگان و بڵاوكەری مادەی هوشبەریان دەستگیركردووە و 143 دۆسیەی مادەی هوشبەر كراونەتەوە، لە هەمانكاتدا پێنج شانەی بازرگانی و قاچاخچێتی شوێنەوار دەستگیركراون.

عەلی ئەلحەسەن ئەوەشی روونردەوە لەو مانگەدا شەش تاوانی ساختەكردنی پارە و 21 تاوانی ساختەكردنی بەڵگەنامە فەرمیەكان و 14 تاوانی بەكارهێنانی ناسنامەی كەسی دیكەش ئاشكراكراون.

ئەوە جگە لەوەی لەو ماوەیەدا 106 رووداوی دزیش هەبووە و 14 دۆسیەی فێڵبازی و 25 تاوانی دۆسیەی لادان لە ئەدەب و دیسپلینی كۆمەڵایەتیش هەبووە.

ئاسایش ئەوەشی راگەیاند لەو ماوەیەدا 713جار دۆخی نائاسایی راگەیەندراوە 410جاریان دۆخی ساردبووە و 303 جاریش دۆخی گەرمبووە، 124 چەكی بێ مۆڵەتیش لە بازگەكاندا دەستی بەسەردا گیراوە.

 

بابەتی پەیوەندیدار

Back to top button