لە نێوان گروپەکانی سەر بە تورکیا و چەکدارانی داعش لە ئیدلب شەڕ روویدا
لڤین:
شەر لە نێوان گروپەکانی سەر بە تورکیا و گروپێکی داعش لە ئیدلب روویدا جگە لە برینداربوونی ژنێک و منداڵێک کوژراویشی لێکەتووەتەوە.
ڕوانگەی سوری بۆ مافەکانی مرۆڤ ڕایگەیاند، پێکدادان لە نێوان ئەندامانی گروپی تەحریر شام و گروپێکی داعش لە باکوری ئیدلب، روویدا و زیانی گیانیشی لێکوتووەتەوە.
روانگەی سوری راشیگەیاند: ئەندامانی بەرەی نوسرە کە ئێستا بەشیکن لە تەحریری شام گەمارۆی باڵەخانەیەکیاندا کە کاربەدەستەکانی داعشی تێدابووە و لەوێ پێکدادانێکی توند دروستبووە .
بە گوێرەی سەرچاوەکانی رێکخراوەکە لە پێکدادانەکان کوژراوی لێکەتووەتەوە، بەڵآم ژمارەکەیان نەزاندراوە بەڵام ئاشکرابووە لە ئەنجامی ئەو شەرەدا ژنێک و منداڵێک بە گوللـەی نادیار برینداربوون.
