لاھور شێخ جەنگی: نیگەرانین لە ھەوڵی پەکخستنی رێکەوتنی ھەرێم و بەغداد

لڤین: هاوسەرۆكی یەكێتی نیشتیمانی كوردستان رایگەیاند، بە نیگەرانیەوە لێكەوتەكانی هەر هەوڵێك بۆ پەكخستنی رێكەوتن و بێبەشكردنی موچەخۆرانی كورد دەڕوانن و ھیواشیان بە خەڵکانی وەک عەمار حەکیم ھەیە.

لاهور شێخ جەنگی، لە وتارێکدا لە مەراسیمی ساڵیادی شەهید بوونی محەمەد باقر حەكیم لە شاری سلێمانیرایگەیاند: بەشێكین لەم عێراقە و پێمانوایە دەبێت بەشێكیش بین لە بونیادنانی، بۆیە لەگەڵ هەموو هێزە نیشتیمانیەكان و لەسەروی هەمووشیانەوە لەگەڵ سەیدی حەكیم لە خەباتی هاوبەش بۆ زاڵبوون بەسەر ئاڵنگاریەكان بەردەوام دەبین. 

ناوبراو وتیشی: ئێستا لە عێراقدا مەسەلەی بودجەی عێراق و پشك و موچەی موچەخۆرانی خەڵكی هەرێمی كوردستان ھەیە یەكێتی نیشتیمانی بە نیگەرانیەوە لێكەوتەكانی هەر هەوڵێك بۆ پەكخستنی رێككەوتن و بێبەشكردنی موچەخۆرانی كورد لە مافە دەستوری و نیشتیمانیەکانی دەڕوانێت. 

ھاو سەرۆکی یەکێتی ئاماژەی بەوەکرد: لەم كاتە هەستیارەدا ئومێدمان دڵسۆزانی وەكو سەید عەمارە كە رۆڵی راستەقینەی خۆی ببینێت لە چارەسەركردنیدا، ئەمڕۆ كە سەید عەمار لەم شارەیە و سلێمانیش شاری قوربانیدانە و هەزاران شەهیدی بۆ روخاندنی دیكتاتۆر بەخشیوە، كەسوكاری شەهیدان چاویان لەوەیە هاوپەیمانەكانی یەكێتی و گەلەكەمان لە بەغدا بەشێوەیەكی دادپەروەرانە پشك و پێگەی هەرێم لە ناو بودجە زامن بكەن و مافە دەستوریەكانمان بپارێزن. 

 

بابەتی پەیوەندیدار

Back to top button